←  SongOfSongs (8/8)

---

1.

Aw ka nuta, ka nu hnute hne ve ni teh la chuan, pawna ka hmuh che pawhin ka fawp ang chia, tuma'n mi dem lo ang.

2.

Ka hruai ang chia, ka nu inah ka hruai lut ang chia. Ani'n mi lo zirtir tur; in tur rimtui ka intir ang chia, ka theibuhfai tui ngei chu.

3.

A kut veilam chu ka lukhama'n, a kut dinglamin mi pawm teh se!

4.

Ka ngen tlat che u, aw Jerusalem fanute, hmangaihna chu chawk thoa tiharh lo turin, amahin a duh hma chuan.

5.

Tu nge ni hei, thlaler ata lo chho a, a duhtaka rinchhani hi? Apple thing hnuaiah ka tiharh chia: i nu'n a veinaah che khan, tah chuan a hringtu che chuan a vei che kha.

6.

Min dah ta che, i tangah valthi angin, i banah banbun iangin; thihna chu Seol angin a nunrawng. A alh chhuak chu meialh chhuak a lo ni a, meialh nasa tak mai chu.

7.

Tui tam takin a tidai thei lo, hmangaihna zawng, tui lianin a chim pil thei hek lo; miin a in ro zawng zawng hmangaih aiah a pek zawh chuanin hmusitin a awm ngei dawn e.

8.

Farnu te tak te chu ka nei a, a la um khel lo, a hnute pawh, eng nge ka tih ang, kan farnu tan, ama tan biahthu an hlan ni chuan?

9.

Amah chu kulh bang lo ni se, tangkaraw kulhbing kan siamsak ang: amah chu kawngka lo ni se la, sidar thing phelin kan tuam leh ang.

10.

Ka ni alawm, kulh bang, ka hnutein a ang, kulhbing sangte, a mithmuhah chuan muanna neitu ka lo ni.

11.

Solomona'n a nei grep huan, Baal-hamon-ah, huanpute hnenah chuan a kawltir; mi tinin an rawn lak tur, thei man cheng sangkhat.

12.

Ka grep huan, ka ta liau liau, keima tan ngei a ni; aw Solomon, nang chuan sang i nei a, huanpute chuan zahnih.

13.

Nang, huanahte cheng thinnu, thiante chuan i aw an ngaithla a; min ngaihthlaktir ve ta che.Hmanhmawh ta che, ka duhtak, rimtui tlanga saza, zuktuai ang chang rawh.

14.

Hmanhmawh ta che, ka duhtak, rimtui tlanga saza, zuktuai ang chang rawh.

---

←  SongOfSongs (8/8)