← SongOfSongs (4/8) → |
1. | Ngai teh, i mawi e, ka hmangaih, ngai teh, i mawi e; thuro an iang e, i mitte'n, i hmai khuhna phenah chuan. I sam chu kel rual, Gilead tlang panga bawk ang a ni. |
2. | I hate chu berampui rual hmul meh hlim, bual zawh hlim ang chu a ni: An zaa kawppui nei theuhin, nei lo reng an awm lo, an zingah. |
3. | I hmuite'n an iang e, sapsen zai, i awka pawh a duhawm ngei e: I biangte'n theibuhfai phel an iang e, i hmai khuhna phenah chuan. |
4. | I nghawngin a iang e, Davida kulh bing sang, ralthuam dahna'na siam chu; phaw sangkhat an bang e, tah chuan, ralhratte phaw theuh ngei chu. |
5. | I hnute pahnih hian a ang, no pahnih, sazain phir a neih, lili par zinga tlate chu. |
6. | Ni a nem a, hlim a her bo hma loh chuan ka kal nang e, murra tlang leh beraw mual lamah chuanin. |
7. | I mawi zo ngei e, ka hmangaih chu, nangmahah demawm a awm lo e. |
8. | Lebanona tangin lo kal ang che, ka thiannu, ka hnenah, Lebanona tangin ka hnenah: Amana chhipah chuan rawn chuan la; Senir leh Hermon chhipa tang chuan, sakeibaknei puka tang chuanin keitete tlanga tang pawhin. |
9. | Ka thinlung i hneh zo ta, ka laina, ka thiannu, ka thinlung i hneh zo ta, i mit sir zai vawi khatin, i nghawng thlun pakhat nen chuan. |
10. | A mawi mang e, i hmangaihna, ka laina, ka thiannu! Uain hnehin i hmangaihna a that zawkzia mai tak chu! Rimtui zawng zawng hnehin a tui zawk i hriak rim zawng. |
11. | Aw ka thiannu, i hmuiah a far e, khuaipui zu: I tawngkamah khawizu, hnute tui: I silhfen rim Lebanon rim ang. |
12. | Huan humhalh tlat a ni, ka laina, ka thiannu chu, tuihna humhalh tlat, tuikhur hauh tlat. |
13. | Theibuhfai hmun ang a ni, i duhzawmzia, rah tha ber ber chhuak thin te. |
14. | Henna leh nard nen, nard leh safron nen, fu rimtui leh thakthing, beraw thing chi tinrengte nen, murra leh aloe, rimtui ropui zawng nen pawh. |
15. | Nang chu huan tuikhur, tui nung chhunchhuah chu i ni, luite lo luang Lebanon tlanga'n.Harh la, aw hmar thli, lo kal rawh, nang chhim thli, ka huan hi rawn chhem u la, a rimtui leng chhuak rawh se; ka duhtak chu a huanah lo lut se la, a rah tha ber ber chu ei rawh se. |
16. | Harh la, aw hmar thli, lo kal rawh, nang chhim thli, ka huan hi rawn chhem u la, a rimtui leng chhuak rawh se; ka duhtak chu a huanah lo lut se la, a rah tha ber ber chu ei rawh se. |
← SongOfSongs (4/8) → |