← SongOfSongs (3/8) → |
1. | Zanah laikhum chungah ka dawn thin, ka hmangaih chu, ka zawng ruai e, ka tawng si lo e. |
2. | Ka tho ang a, khawpui daikawn ka vel ang, kawtthlerah leh mual laiahte chuan; ka zawng zel dawn e, ka hmangaih chu. Ka zawng ruai e, ka tawng si lo e. |
3. | Khawpui venga kal hualtuten min hmu a; ka hmangaih chu in hmu emaw? Ka ti a. |
4. | Anmahni ka pelh hnu lawkah chuan, ka hmu ta e, ka hmangaih chu; ka vuan ta a, ka kaltir leh tawh rua lo, ka nu inah, mi paitu pindan chhungah, amah ka hruai luh hma loh zawng. |
5. | Ka ngen tlat che u, aw Jerusalem fanute, saza leh ram zukpui chhalin, hmangaihna chu chawk thoa tiharh lo turin; amahin a duh hma chuan. |
6. | Eng nge ni hei, meikhu ding ang thlaler ata lo kal hi, murra leh beraw rimtui nam rum rum sumdawngtu paudar tinreng rim chenin? |
7. | Ngai rawh, Solomona zawnna tawlai chu, ralhrat sawmrukin an din hual e, Israel ralhrat zinga mite chuan. |
8. | An zain khandaih an vawng, do thiam an ni: Mi tinin khandaih an pai, an khel chungah, zantianga hlauhawm vang hian. |
9. | Lal Solomona'n zawn bawm a tan a insiam, Lebanon tlang thing hmanrua ngeiin; |
10. | A bante a siam a, tangkaruain, a nghenchhan chu rangkachakin, a thutthleng chu puan sendukin; a chhung lam chu an rem, duhawm takin, Jerusalem fanute chuan.Kal chhuak u la, aw Zion fanute, Lal Solomona chu en r'u; a khumtir kha, a nu'n lallukhum, a nupui neih ni, a thinlung lawmna niah chuan. |
11. | Kal chhuak u la, aw Zion fanute, Lal Solomona chu en r'u; a khumtir kha, a nu'n lallukhum, a nupui neih ni, a thinlung lawmna niah chuan. |
← SongOfSongs (3/8) → |