SongOfSongs (1/8) → |
1. | Hla thlan khawmte, Solomona phuah chu. |
2. | Min fawp rawh se, a hmuia fawhnate chuan, uain hnehin a tha si, i hmangaihna. |
3. | I hriak hnawih mi chuan a nei, rim tha tak mai; rimtui bun chauh ang a ni e, i hming zawng; chuvang chuan an hmangaih che, nulate'n. |
4. | Min zai langin, i hniakhnung kan um ang che; min hruia lut ta, lal chuan a pindan chhungah nangma tawnah kan hlimin kan lawm ang a, ka hmu zel ang, i hmangaihna uain hnehin. An ngaina takzet che a ni e. |
5. | Ka hang na a, ka nalh a nia. Aw Jerusalem fanute u, Kedar puan inte leh Solomona puanzarte angin. |
6. | Ka han deuh vangin mi iai suh u, ni sain min em vang pawh hian; ka nu fapate ka chungah thinurin grep huan vengah mi siam ta a, mahni huan erawh ka veng si lo. |
7. | Min hrilh rawh, aw nang ka hmangaih chuan, i ran rual khawiah nge i chawm a, chhun laia i chawlhtirna thin chu: Engah nge kei ka vah ka vah ang, i thiante ran rual sirah chuan? |
8. | I hriat loh chuan, aw nang hmeichhia a laia mawi ber, ran rual hniakhnungah chuan kal ta la, i keltete chawm la, berampute puan in sirah chuan. |
9. | Ka khaikhin thin che, aw ka hmangaih, Pharaoa tawlailir sakawr la nen chuan. |
10. | A nalh mang e, i biang, bahsam phiar mawi nen, i nghawnga lunghlu hruite nen chuan. |
11. | Rangkachak thirhrui ka siam ang che, tangkaraw belmawi neiin. |
12. | Thutna hmuna lalber awm laiin ka nard rimtui chu a leng chhuak e. |
13. | Ka duhtak chu ka tan murra tel a ni, ka tanglaia cham ang hi. |
14. | Ka duhtak chu ka tan henna par bawr ang, Engedi grep huana mi chu. |
15. | Ngai teh, i mawi e, ka hmangaih, ngai teh, i mawi e; i mit thuro ang mai a ni e. |
16. | Ngai teh, i mawi e, ka duhtak, a ni, lungtiawi, kan khum pawh a hring reng e.Kan in khanchhukte chu sidar thing, kan inchhunte far thing lo ni e. |
17. | Kan in khanchhukte chu sidar thing, kan inchhunte far thing lo ni e. |
SongOfSongs (1/8) → |