| ← Romans (13/16) → |
| 1. | Mi tin an chunga roreltute thu thuin awm rawh se. Pathian thu loin tumah roreltu an awm si lo; roreltua awmte hi Pathian ruat an ni. |
| 2. | Chuvangin tupawh roreltu hnial chu Pathian ruat dodal an ni a; a dodaltute chuan anmahni chungah rorelna an hmu ang. |
| 3. | Roreltute chu thil tha titu tan chuan hlauhawm an ni lo a; thil tha lo titu tan erawh chuan hlauhawm an ni. A nih leh, roreltu hlau loa awm i duh em? Thil tha ti la, a fak i hlawh ang chu; |
| 4. | ani chu i thatna tura Pathian rawngbawltu a ni si a. Nimahsela thil sual i tih chuan hlau rawh, khandaih chu a keng mai mai si lo a; ani chu Pathian rawngbawltu, thil tisualtu chunga thinura phuba latu a ni si. |
| 5. | Chuvangin thinur hlauh vang chauh ni loin, i chhia leh tha hriatna avang pawhin roreltu thu thuin i awm tur reng a ni. |
| 6. | He mi avang hian chhiah pawh in chawi thin alawm; chutiang thil ngei ti fan fan turin Pathian rawngbawltute an ni si a. |
| 7. | Mi zawng zawng hnenah pek tur apiang pe rawh u; leiman pekna tura hnenah chuan leiman pe u la; chhiah chawina tura hnenah chuan chhiah chawi u la; tih tura chu tih u la; pawisak tura chu pawisa rawh u. |
| 8. | Inhmangaih tawnna ngawt lo chu tuma engmah ba suh u; mahni mihringpui hmangaihtu chuan dan chu a zawh famkim tawh si a. |
| 9. | Heng, "Uire suh, Tual that suh, Ru suh, Awt suh," tih leh thupek dang la awm reng rengte hi, "Nangmah i inhmangaih angin i vengte i hmangaih tur a ni," tih hian a khai khawm vek si a. |
| 10. | Hmangaihnain vengte a tikhawlo ngai lo a; chuvangin hmangaihna hi dan zawh famkimna a ni. |
| 11. | Tun lai thil awmzia in hriat avang leh muhil thawhharh a hun tawh tak zet tih in hriat avangin chu chu ka sawi a ni; tunah chuan kan rin tirh lai ai khan kan chhandamna chu a hnai ta zawk si a. |
| 12. | Zan hi a ral lek lek tawh a, khua a var dawn ta e; chuvangin thima thiltih chu paih i la, eng thuamin i inthuam ang u. |
| 13. | Chhuna awm angin mawi takin i awm ang u, zu in buai leh zu ruia awm loin, hur leh inngaih hmanga awm loin, insual leh initsika awm loin.Lal Isua Krista chuan inthuam zawk u lang, in tisa chakna puitlin turin engmah insiam suh u. |
| 14. | Lal Isua Krista chuan inthuam zawk u lang, in tisa chakna puitlin turin engmah insiam suh u. |
| ← Romans (13/16) → |