Revelation (18/22)  

1. Chung hnuah chuan vantirhkoh dang, thuneihna nasa tak neiin van ata lo chhuk ka hmu a; a ropuinain lei chu a en ta vek a.
2. Tin, ani chuan aw ring takin, "Babulon khaw ropui chu a tlawm ta, a tlawm ta, ramhuaite awmna leh thlarau bawlhhlawh tinreng kulhbing leh sava bawlhhlawh leh tenawm tinreng kulhbing a lo ni ta.
3. A mi ngaih chin vanga thinurna uain chu hnam zawng zawngin an in tawh si a; leia lalte chuan ani chu an ngai thin a, leia sumdawngtute chuan a nawmsak bawl lutukna chu an hausak phah thin," tiin a au a.
4. Tin, van atangin aw dangin heti hian a sawi ka hria :"Ka mite u, a sualnaahte in tel lohna tur leh, a hremnate in hmuh ve lohna turin, a chhung ata chhuak rawh u.
5. A sualnate chuan van pawh a tawng ta hial a, Pathianin a thiltih fel lote pawh chu a hre reng si a.
6. Anin a pek ang ngei khan pe thung u la, a thiltihzia ang zel chu a leh hnihin thungrul u la, a chawhpawlhna novah chuan a tan aleh hnihin chawhpawlhsak rawh u.
7. A intihropui leh a intihnawmsakzia ang zel khan nghaisain tilungngai thung rawh u; a rilru chuan, 'Lalnuah ka thu a ni, hmeithai reng ka ni lo a, lungngaihna ka hmu hauh lo ang,' a ti si a.
8. Chuvangin, ni khat chauhvah a hremna - thih te, lungngaih te, tam te chu - a lo thleng vek ang; meia halralin a awm bawk ang; a roreltu, Lalpa Pathian chu a chak si a.
9. "Tin, leia lal, a ngai thintute leh a nawmsak bawlpui thintute chuan a kang khu chu an thlir hunah chuan, 'Babulon khaw ropui, khaw nghet chu a chung a pik e, a pik e!
10. Darkar khat chauhvah i chungah rorelna chu a lo thleng ta si,' tiin nghaisakna a tuar chu hlauh vanga hla taka ding a, a chunga tapin an awm an inchum ang.
11. "Tin, leia sumdawngtute chu a chunga tapin an lungngai a, tuma'n an sum an lei tak loh avangin.
12. An sumte chu rangkachak te, tangka te, lung man tam te, tuikeplung te, puan zai sin te, puan sen duk te, maimaw puan te, puan sen lar te nen; thing rimtui tinreng te, saingho bungbel tinreng te, thing hlu tak tak leh dar leh thir leh sailungvara siam bungbel tinreng te nen;
13. thakthing te, englo rimtui te, englo rimtui hal mi te, hriak rimtui te, beraw te, uain te, oliv hriak te, chhangphut dip tak te, buh te, sebawng te, beram te nen; sakawr te, tawlailir te, bawih te nen; mihring nunna te nen a ni.
14. Rah i thinlungin a chakte chuan a kal bosan chia, thil tuihnai leh mawi zawng zawng chuan a boralsan chia, tuma'n an hmu leh tawh tawp lo ang.
15. "Chung thila sumdawngtu, amah avanga lo hausate chuan, a nghaisakna hlauh vangin hla taka dingin ti hain tap leh lungngai chungin an la ti ang:
16. 'Khaw ropui, puan zai sin leh puan sen duk leh puan sen lar sin a, rangkachak leh lung man tam leh tuikeplunga incheii chu a chung a pik e, a pik e!
17. Darkar chanve chauhvah sum chuti zozai chu engmah lo a lo nih tak hi,' "Tin, lawng hotu apiang te, lawnga kal thin apiang te chu hla taka dingin,
18. a kang khu chu thlir chungin, 'He khaw ropui tluk hi khawii khua nge awm ang?' tiin an au a.
19. Tin, tap leh lungngai chungin, 'A muk avanga tuifinriata lawng neitute hausakna khaw ropui chu a chung a pik e, a pik e! Darkar khat chauhvah engmah lo a lo nih tak hi!' tia auin, an lu vaivutin an theh a.
20. "Aw, van leh nangni mi thianghlimhote, tirhkohhote, zawlneihote u lawm rawh u, ani chuan in chunga ro a relna chuan Pathianin a chungah ro a rel ve tak hi," tiin.
21. Tin, vantirhkoh chak tak hian buh rawt sawmna lung lian pui ang hi lung a la a, tuifinriatah a paih thla a, "Babulon khaw ropui chu hetianga nasa hian paih thlak a ni ang a, tuma'n an hmu leh tawh tawp lo ang.
22. Tingtang kaituho te, englo tum thiamho te, phenglawng tumtuho te, tawtawrawt puho te thawm pawh i chhungah an hre leh tawh tawp lo ang a; them thiam kawng reng rengah themthiam reng pawh i chhungah an hmu leh tawh tawp lo ang a;
23. khawnvar pawh i chhungah a eng tawh tawp lo ang a; pasal leh mo thawm pawh i chhungah an hre tawh tawp lo ang; i sumdawngtute chu leia mi liante an ni si a; i dawtin hnam zawng zawng bum an nih kha.A chhungah zawlneihote, mi thianghlimhote, leia thah zawng zawngte thisen chu an hmu a," a ti a.
24. A chhungah zawlneihote, mi thianghlimhote, leia thah zawng zawngte thisen chu an hmu a," a ti a.

  Revelation (18/22)