←  Psalms (91/150)  →
1. Chungnungbera bihrukna hmuna awma chu Engkimtitheia hlimah chuan a awm reng ang.
2. LALPA chung thu-ah chuan, "Ani chu ka inhumhimna leh ka kulhpui; Ka Pathian, ka rina chu a ni," ka ti ang.
3. Ani chuan thang kamtu thang lakah leh Hri tha lo tak lakah chuan a chhanhim dawn che a ni.
4. A thlain a khuh ang chia, A thla hnuaiah chuan i tlu lut ang; A thutak chu phawte leh phaw lian a ni.
5. Zana thil rapthlak chu i hlau lo ang a, Chhuna thla lo leng thin chu i hlau hek lo ang:
6. Thim hnuai ahri leng thin chu i hlau lo ang a, Chhun laia thil tichhe thin chhiatna chu i hlau hek lo ang.
7. I sirah sang an tlu ang a, I ding lamah sing an tlu bawk a; Nimahsela nang chu a hnaih lo ang che.
8. I mitin i en ang a, Mi suaksualte rulhna chu a hmuhin i hmu chauh ang.
9. Aw LALPA, nang hchu ka inhumhimna i ni si! Chungnungbera chu i awmna'n i hmang a;
10. thil tha lo reng rengin a tawk lo ang chian, Hri reng reng pawhin i puan in a rawn hnaih hek lo ang.
11. I kawng tinrenga humhim tur chein, I chung thu-ah zawng vantirhkohte chu thu a pe dawn si a.
12. An kutin an dawm ang chia, Chutilochuan i kein lung i chhuih dah ang e.
13. Sakeibaknei leh rulrial chu i rap ang a: Sakeibaknei vanglai leh rulpui chu i chil nek ang.
14. Ka chungah a hmangaihna a nghah tlat avangin ka chhanhim ang a: Ka hming a hriat avangin hmun sangah ka hlang a.
15. Ani chuan mi ko ang a, tichuan ka chhang ang; Kei chu a mangan lai chuan a hnenah ka awm ang a: Amah chu ka chhanhimin ka chawimawi ang.Dam reinain ka tilungawi ang a, Ka chhandamna chu ka hmuhtir bawk ang.
16. Dam reinain ka tilungawi ang a, Ka chhandamna chu ka hmuhtir bawk ang.
←  Psalms (91/150)  →