← Psalms (85/150) → |
1. | LALPA, iram chungah hian i lawm a: Jakob-ho sala an awm chu i hruai kir leh ta a. |
2. | I mite khawlohnanate i ngaidam a, An sualna zawng zawng i khuh zo ta a. |
3. | I thinrimna zawng zawng chu i la bo a; I thinurna nasa tak chu i hawisan ta a. |
4. | Aw min chhandamtu Pathian, min hawi kirtir la, Kan chunga i thinurna chu tibang ang che, |
5. | Kan chungah i thinurn kumkhua dawn em ni le? I thinur chu chhuan zawng zawng thlengin i lantir zel dawn em ni? |
6. | Nangmahah chuan i mite an hlim theihna'n Min tiharh leh dawn lo'm ni? |
7. | Aw LALPA, i ngilneihna chu min hmuhtir la, I chhandamna chu min pe bawk ang che. |
8. | Pathian LALPA thu sawi tur chu ka ngaithla ang: A mite leh a mi thianghlimte hnenah thlamuanna thu a sawi dawn si a: Nimahsela anni chu atna lamah hawi leh tawh su h se. |
9. | A chhandamna chu amah tihtute hnaihah chan a awm ngei ngei thin a ni; Kan ramah hian ropuina a awm theihna'n. |
10. | Ngilneihna leh thutak an intawk a; Felna leh remna an infawp a. |
11. | Thutak chu lei atangin a chawr chhuak a; Felna chuan van atangin a rawn en chhuk ta a. |
12. | A ni, LALPA chuan thil tha a pe ang a; Kan ram hian a thil to chu a pe bawk ang.Felna chuan a hma a hruai ang a, A hniakte chu kawngah a siam ang. |
13. | Felna chuan a hma a hruai ang a, A hniakte chu kawngah a siam ang. |
← Psalms (85/150) → |