← Psalms (79/150) → |
1. | Aw Pathian, hnam tin i rochanah hian an lut a: I biak in thianghlim hi an tibawlhhlawh a; Jerusalem hi lung chim khawmah an siam ta thluah a. |
2. | I chhiahhlahte ruang chu chungleng savate chawah an pe a, I mi thianghlimte sa chu ram sate an pe a. |
3. | An thisen chu Jerusalem velah hian tui angin an leihbua a; Anmahni phumtu tur lah tumah an awm si lo. |
4. | Kan vela mite sawichhiatin kan lo awm a, Kan dep vela mite hmusit leh nuihsanin kan lo awm ta a. |
5. | Aw LALPA, i thinur kumkhua dawn em ni? I thikna chu mei angin a alh dawn em ni? |
6. | Nangmah hre lo hnam tin chungah hian i thinur chu leihbua ang che, I hming lam lo ram chungahte pawh. |
7. | Jakob-ho chu an ei zo a, An awmna chu an tiram ta si a. |
8. | Min thlahtute khawlohnate kha kan lakah chuan hre reng suh ang che: I lainatnate chuan min hmuak thuai rawh se: Nasa taka tihhniamin kan awm ta si a. |
9. | Aw min chhandamtu Pathian, i hming ropuina'n min tanpui la: I hming avngin min chhanhim la, kan sualte hi thleng fai ang che. |
10. | Engti nge hnam tinin, "Khawiah nge an Pathian kha le?" an tih ni? I chhiahhlawhte thisen chhuak phuba lakna chu Kan mithmuhah hnam tin zingah hian hriat ni rawh se. |
11. | Mi tang rum chu i hmaah thleng rawh se; I thiltihtheihna nasat avangin thi tura ruatte chu humhim la; |
12. | Aw LALPA, nangmah an sawichhiatna che kha, Kan vela mite an angchhungah a leh sarihin rul leh ang che.Chutichuan, keini i mite, i ran tlatna hmuna beramte hian, Kumkhuain lawm thu kan hrilh ang chia: Chhuan zawng zawng thlengin nangmah fakna chu kan hriattir zel ang. |
13. | Chutichuan, keini i mite, i ran tlatna hmuna beramte hian, Kumkhuain lawm thu kan hrilh ang chia: Chhuan zawng zawng thlengin nangmah fakna chu kan hriattir zel ang. |
← Psalms (79/150) → |