← Psalms (77/150) → |
1. | Ka awin Pathian chu ka au vang a; Ka awin Pathian ngei chu ka au vang a, ani chuan ka lamah beng a lo chhi ang. |
2. | Ka mangan ni chuan Lalpa ka zawng a: Ka kut hi zanah pawh la thla loin ka phar reng a; Ka nuna hian thlamuan a duh lo. |
3. | Pathian ka hre reng a, ka buai thin: Ka ngaihtuah a, ka thlarau hi a chau thin. (Selah) |
4. | Ka mitte hi i chelh meng reng thin a: tawng thei lo khawpin ka mangang thin. |
5. | Hmasang nite ka ngaihtuah a, Hman lai kumte chu. |
6. | Zanah ka ngaihtuah neuh neuh a, Ka dawn vel a, ka inzawt thin a; Ka thlarau pawhin thahnemngai takin a zawng a. |
7. | Lalpa chuan kumkhuain a thlauhthla dawn em ni aw? Engtikah mah a lawm dawn tawh lo em ni aw? |
8. | A ngilneihna chu a bo hlen kumkhua dawn em ni aw? A thutiam chu chhuan zawng zawng thlengin a bo dawn em ni aw? |
9. | Pathian chuan khawngaih a theih nghilh em ni aw? Thinurin a lainatnate chu a khar ta em ni aw? (Selah) |
10. | Tin, "Chu chu ka chak lohna avang a ni; Nimahsela Chungnungbera kut dinglam kumte kha ka hre reng ang e. |
11. | LALPA thiltih thute kha ka sawi ang a; Hmasanga i thilmak tihte kha ka hre reng ang e. |
12. | I hnathawh zawng zawng kha ka ka ngaihtuah bawk ang a, I thiltihte pawh kha ka chhut ang e," ka ti a. |
13. | Aw Pathian, i kawng chu hmun thianghlimah a awm a: Kan Pathian ang hi pathian ropui tu nge awm? |
14. | Nang chu thilmak ti thintu Pathian chu i ni a: Mi tin, zingahte chuan i chakzia i hriattir thin. |
15. | I banin i mite chhan chhuak a, Jakobha leh Josefa fate chu. (Selah) |
16. | Aw Pathian, tuite chuan an hmu hia; Tuite chuan an hmu chia, an hlau a; Tui thuk takte chu an khur bawk a. |
17. | Chhumte khian tui an leihbua a; Vante khian aw an chhuah a: I thalte pawh a phe zawk zawk a, |
18. | I khawpui ri thawm chu thawnga leivirah a awm a; Kawlphete chuan khawvel hi a en zawk zawk a: Lei hi khurin a nghing dur dur a. |
19. | I kawng chu tuifinriatah a awm a, I kalkawngte chu tui zau takah a awm a, I hniakte pawh hmuh theih ani lo.Mosia leh Arona kutin I mite chu beram rual angin i hruai thin a. |
20. | Mosia leh Arona kutin I mite chu beram rual angin i hruai thin a. |
← Psalms (77/150) → |