← Psalms (72/150) → |
1. | Aw Pathian, i rorelnate chu lal pe la, I felna chu lal fapa pe ang che. |
2. | I mite chu felnain ro a relsak ang a, I mi retheite chu rorelna felin ro a relsak ang. |
3. | Tlang lian leh tlang tete hian felnain Mite hnenah thlamuanna an rawn thlen ang. |
4. | Ani chuan mi zinga retheite chu ro a relsak ang a, Pachhe fate chu a chhandam ang a, Hnehchiahtu erawh chu a tisawm ang. |
5. | Ni khi a awm chhung chuan an hlau vang che, Thla awm chhung zawng pawhin, chhuan awm chhung chuan an hlau vang che, |
6. | Ani chu hlobet rawt chunga ruah angin a tla ang a: Lei chawmtu ruahtui ang maiin. |
7. | A dam lai chuan mi felte chu an duah hluah hluah ang a, Thlamuanna nasa tak chu a duah hluah hluah bawk ang, thla awm loh hma loh chuan. |
8. | Ani chuan tuifinriat atanga tuifinriat dang thleng pawhin thu a nei bawk ang, Luipui atanga kawlkil thleng pawhin. |
9. | Thlalera awmte chu a hmaah an kun ang a; Amah dotute pawh chuan vaivut an liak ang. |
10. | Tarsis ram leh thliarkara lalten lawmman an rawn keng ang a: Sheba leh Seba ram lalten thilpekte an rawn hlan ang. |
11. | A ni, lal zawng zawng chu a hmaah an bawkkhup ang a: Hnam tinrengin a rawn an bawl ang. |
12. | Pachhiain a auhin ani chuan a chhanhim ang a, Mi rethei, tanpuitu nei lo pawh chu, a chhanhim ang a. |
13. | Mi rethei leh pachhiate chu a khawngaih ang a, Pachhiate nunna chu a chhandam ang. |
14. | An nunna chu hnehchhiahna leh nunrawnna lak ata a tlan ang a, An thisen chuani ngaih chuan hlu tak ani dawn si a. |
15. | Tin, an nung ang a: Sheba ram rangkachak chu amah pek ani ang a; Miten ani chu an tawngtaisak fo ang a; Nilengin mal an sawmsak ang. |
16. | Leiah, tlang chungahte hian, buh tam tak a awm ang a; A vui chu Lebanon angin a nghing suau suau ang a, Khuaa mite chu lei hlobet angin an duah hluah hluah ang. |
17. | A hming chu kumkhuain a dai lo ang a: A hming chu ni a awm chhung chuan dai loin a awm zel ang a: Mite ch amahah chan malsawmin an awm ang a; Hnam tinrengin amah chu nihlawh an ti ang. |
18. | LALPA Pathian, Israel-hoi pathian chu fakin awm rawh se, Amah chauh hian thilmak a ti thin a: |
19. | A hming ropui tak hi kumkhuain fakin awm bawk se la; Lei pum pui pawh hi a ropuinaa tihkhahin awm rawh se. Amen, Amen.Jesaia fapa Davida tawngtainate chu a tawp ta. |
20. | Jesaia fapa Davida tawngtainate chu a tawp ta. |
← Psalms (72/150) → |