Psalms (71/150)  

1. Aw LALPA, nangmahah chuan ka rinna ka ngaht thin a: Engtikah mah mualphoin mi awmtir suh ang che.
2. I felna avanga mi chhanhimin, mi chhan chhuak la: Ka lamah hian i beng rawn dawhin, mi chhandam ang che.
3. Ka tan awmna lungpui, ka kal theih fona tur, lo ni ang che: Nangin mi chhandam turin thu i pe a; Ka lungpui leh ka kulhpui i ni si a.
4. Aw ka Pathian, mi suaksual kut ata mi chhan chhuak ang che, Mi fel lo leh nunchhe tak kut ata chu.
5. Aw Lalpa PATHIAN, nang chu ka beiseia chu i ni si a: Ka naupan tet ata ka rina chu i ni.
6. Ka nu pum atang rengin nangma kaihin ka awm thin a: Ka nu ril ata mi la chhuaktu i ni a; Nangmah a ni, ka fak fo dawn che ni.
7. Mi tam tak ngaihin thilmak ang ka ni a; Nimahsela nang chu ka inhumhimna nghet tak i ni.
8. Ka ka hi i faknain a khat ang a, Nilengin i chawimawinain a khat bawk ang.
9. Ka tar hunin mi paihthla suh la; Ka tha thum hunin mi kalsan suh ang che.
10. Mi dotute chuan ka chungchang thu an sawi si a; Ka nuna changtue an inrawn bawk a,
11. "Pathianin a kalsan ta: Um u la, man rawh u; chhanhimtu tur reng an awm si lo," tiin.
12. Aw Pathian, mi hlat lul suh la: Aw ka Pathian, mi tanpui turin hmanhmawh ang che.
13. Ka nunna dotue chu mualpho leh boralin awm se la; Ka chhiatna tur zawngtute chu sawichhiatna leh zahnaa khuhin awm rawh se.
14. Nimahsela kei zawngin ka beisei fo ang a, Ka la fak zual deuh deuh ang che.
15. Ka ka hian i felna thu a hril ang a, Nilengin i chhandamna thu a hril bawk ang; A tam chin ka hre si lo.
16. Lalpa PATHIAN thiltih ropui takte nen ka lo kal a: I felna, nangma felna thu chauh ka saiw ang.
17. Aw Pathian, ka naupan tet ata chu nangin mi zirtir a; Tun thlengin i thilmak tiht chu ka hriattir thin.
18. A ni, aw Pathian, ka tara ka lu tuah hnu pawhin mi kalsan lul suh ang che; I chakna hi thangthar leht hnenah leh, I thiltihtheihna hi lo la awm tur apiangte hnena ka hriattir hma loh zawng.
19. Aw Pathian, i felna pawh a sang em em a ni; Aw Pathian, nang thil ropi takte titu, Nangmah ang hi tu nge awm?
20. Nang, manganna tam tak leh nasa tak min hmuhtirtu chuan Mi tinung leh ang a, Leu thuk tak ata min hruai chhuak leh ang.
21. Nangin ka ropuina mi tihpunsak la, Lo hawi lehin mi thlamuan ang che,
22. Perhkhuangin ka fak bawk ang che, Aw ka Pathian, i thutak ngei chu ka fak ang. Aw nang Israel-ho Mi Thianghlim, Tingtang nen nangmah fakin ka zai ang.
23. Nangmah faka ka zai hunin ka hmui hi a hlim em em ang a; Ka nunna i tlan pawh hi a hlim em em ang.Ka lei pawh hian nilengin i felna thu a sawi ang: Ka chhiatna tur chu an mualphoin an zak ta si a.
24. Ka lei pawh hian nilengin i felna thu a sawi ang: Ka chhiatna tur chu an mualphoin an zak ta si a.

  Psalms (71/150)