←  Psalms (7/150)  →
1. Aw LALPA ka Pathian, nangmahah ka rina ka nghat a: Mi umtute zawng zawng lakah hian mi chhandamin mi chhanhim ang che:
2. Chutichuan, chhanhimtu awm loin, sakeibaknei angin, Ka nunna hi pawt sawmin, a sawisa dah ang e.
3. Aw LALPA ka Pathian, hetiang ti ka lo nih a, Ka kuta sualna lo awm a nih a,
4. Ka thian chu sualnaa thungrul ka lo nih chuan, (A ni, enga khawlai loa mi dotu hi ka chhanhim zawk a ni;)
5. Dotu hian ka nunna hi umin, umphak mai rawh se; A ni, kan nun hi leiah chil thluin, Ka ropuina hi vaivut zingah dah mai rawh se. (Selah)
6. Aw LALPA, thinurin tho la, Mi dotute thinrimna doin thawk la: Ka tan intiharh rawh; dikna i phut si a.
7. Tichuan mi tin inkhawmho chuan hual vel che rawh se. Tin, nang chu an chungah chung lamah chuan kir leh ang che.
8. LALPA'n mi tin, ro a rel thin: Aw LALPA, keimaha ka felna leh ka rilru thatna awm ang zel hian ro mi rel ang che:
9. Aw, mi suaksualte suahsualna chu lo tawp tawh se la, mi felte erawh chu tinghet ang che: Pathian fel tak chuan thinlungte leh rilrute a fiah thin si a.
10. Ka phaw chu Pathian hnenah a awm, Amah chu thinlung dik tak pu chhandamtu a ni.
11. Pathian chu roreltu fel tak a ni, A ni, ni tin, mi sualte chunga lungnihlohna nei Pathian a ni.
12. Mi a hawikir loh zawngin ani chuan a khandaih a tat hriam ang; A thal ngul chu a kuai a, a peih ta.
13. Thihna hriamhreite chu amah thahna'n a siam ta diam bawk a; A thalte chu alh theiin a siam a.
14. En teh, sualna a vei a; A ni, thil tihsualna a pai a, dawt thu a hring ta a.
15. Khuarkhurum a siam a, thuk takin a lai a, Ama hum siamah chuan a tla ta a.
16. A thil tihsualna chu ama lu chung ngeiah a lo kir leh ang a, Rawng taka a thiltih chu ama chhip ngeiah a tla ang.LALPA chu, a felna avang hian, a hnenah lawm thu ka sawi ang a: LALPA Chungnungbera hming fakin ka zai bawk ang.
17. LALPA chu, a felna avang hian, a hnenah lawm thu ka sawi ang a: LALPA Chungnungbera hming fakin ka zai bawk ang.
←  Psalms (7/150)  →