←  Psalms (62/150)  →

---

1.

Ka nuna hian Pathian chauh a nghak a, Amah atang chuan ka chhandamna a lo chhuak dawn a ni.

2.

Amah chauh chu ka lungpui leh mi chhandamtu a ni: Ka kulhbing sang ani a; nasa tak chuan ka nghing lo ang.

3.

Nangni zawng zawngin, tihlum turin, Lung bang awn bei ang leh, pal tlu lek lek bei angin, Eng chen nge mi pakhat hi in bei dawn?

4.

A ropuina atanga namthla tur ngawtin an inrawn a; Dawt sawi hi an lawmzawng tak a ni. An kain mal an sawm a, nimahsela an rilruin anchhia an lawh si thin. (Selah)

5.

Ka nunna, Pathian chauh nghak rawh; Ka beiseina hi ama hnen atanga chhuak ani si a.

6.

Amah chauh chu ka lungpi leh ka chhandamna a ni: Ka kulhbing sang ani a; ka nghing lo ang.

7.

Pathian hnenah ka chhandamna leh ka ropuina a wm a: Ka chakna lungpui leh ka inhumhimna chu Pathianah a awm.

8.

Nangni mipuite u, englai pawhin amah ch ring u la; In thinlung ch ahmaah chuan leihbaw rawh u; Pathian chu kan tan inhumhimna a ni. (Selah)

9.

Mi chi tete hi engmah lo mai an ni, mi chi liante pawh hi dawt mai an ni: Buknaah chuan an kang daih ang a; Engmah lo mai mai ai pawhin an zang zawk a ni.

10.

Hnehchhiahna hi ring suh u la; Mi ram hman hi chhuanah neih hek suh u la; Hausaknate a lo pun chuan a chungah in thinlung chu nghat suh u.

11.

Pathianin vawi khat a sawi a; E! hei hi vawi hnih ka hre ta; Thiltihtheihna hi Pathian ta a ni tih hi:Aw LALPA, ngilneihna hi i ta bawk a ni: Mi tin, an thiltih ang theuhin i rul si thin a.

12.

Aw LALPA, ngilneihna hi i ta bawk a ni: Mi tin, an thiltih ang theuhin i rul si thin a.

---

←  Psalms (62/150)  →