←  Psalms (60/150)  →

---

1.

Aw Pathian, nangin min thlauthla a, min tichhia a; I lo thinur ta a; aw, min tung ding leh ang che.

2.

He ram hi i tikhur a; i tikhi ta a: A kakte ch siam tha leh ang che; a nghing a nghing si a.

3.

I mite hi thil khirh takte i tawhtir a: Paina uain chu min intir ta a.

4.

Nangmah tihtute hnenah chuan puanzar i pe ta a, Thutak avanga zar a ni theih nan. (Selah)

5.

I duh takte hi chhanhima an awm theihna'n, I kut ding lamin chhandam la, min chhang ang che.

6.

Pathianin a thianghlimnaah chuan heti hian a sawi a, "Ka hlim ang a: Sekem khua chu ka sem ang a, Sukoth ruam chu ka sem darh bawk ang]

7.

Gilead ram chu ka ta a ni a, Manase ram pawh ka ta ani a; Ephraim ram pawh chu ka lu humhimna a ni a; Juda ram chu ka laltiang a ni.

8.

Moab ram chu ka insilna bel ani a; Edom ramah chuan ka pheikhawk ka paih ang: Philistia ram, nang chu keimah avang hian au ta che," tiin.

9.

Khawpui nghet takah chuan tuin nge mi hruai lut ang? Edom ramah chuan tuin nge mi hruai ang?

10.

Aw Pathian, nangmah ngeiin min thlauhthla a ni lo'm ni? Aw Pathian, ka sipaihote hnenah lah i chhuak ve ta si lo.

11.

Dotute bei turin min tanpui ang che: Mihring tanpuina chu engmah lo mai mai ani si a]Pathian zarah huai takin kan ti ang: Ani chu min dotute rap bettu tur a ni si a.

12.

Pathian zarah huai takin kan ti ang: Ani chu min dotute rap bettu tur a ni si a.

---

←  Psalms (60/150)  →