←  Psalms (56/150)  →

---

1.

Aw Pathian, mi khawngaih ang che; mihringin mi lem zawh an tum si a: Nilengin mi beiin mi hnehchhiah thin.

2.

Ka hmelmaten nilengin mi lem zawh an tum a: Chapo taka mi beiotute hi an tam si a:

3.

Ka hlauh chang apiangin, Nangmah ka ring ang che.

4.

Pathian ka ring a, a thu ka fak ang a: Pathian ka ring a, ka hlau lo ang: Tisa chuan eng nge mi tih theih ang?

5.

Nilengin ka thute an la kawi thin a; An ngaihtuahna zawng zawng chu ka that lohna tur lam hlir a ni.

6.

An inkhawm a, an biru a, Ka hniakte an chhinchhiah thin a, Ka nunna tihbo tuma an nghak thin ang hian.

7.

An sual hremna an pumpelh dawn em ni? Aw Pathian, thinurin mi tin, chu ti tlawm ang che.

8.

Nangin ka vahvaihnate hi i chhinchhiah thin a: Ka mittuite hi i savun pengah chuan thun ang che; I lehkhabuah a chuang hlawm lo'm ni?

9.

Ka koh hun che ngei chuan mi dotute chu an tlanchhia ang: Hei hi ka hria Pathianin mi tan hi.

10.

Pathianah chuan a thu ka fak ang a: LALPA-ah chuan a thu ka fak ang.

11.

Pathian ka ring ,a ka hlau lo ang; Mihringin eng nge mi tiht heih ang?

12.

Aw Pathian, i hneha thutiamte ka nei a: Lawm thu sawi Inthawinatein ka rul ang che.Ka nunna hi thihna lakah i chhanhim si a: Ka kete hi tlu lo turin i chhanhim a ni lo'm ni? Mi nung engah hian Pathian hmaa ka len theihna'n.

13.

Ka nunna hi thihna lakah i chhanhim si a: Ka kete hi tlu lo turin i chhanhim a ni lo'm ni? Mi nung engah hian Pathian hmaa ka len theihna'n.

---

←  Psalms (56/150)  →