←  Psalms (55/150)  →

---

1.

Aw Pathian, ka tawngtainaah hian beng lo chhi la; Khawngaih ka dilnaah hian inthup suh ang che.

2.

Mi ngaithla la, mi chhang ang che. Ka mangan thu avangin ka van ruai a, ka rum thin;

3.

Dotu thawm avangte, Mi suaksual hnehchhiahna avangtein. Anni chuan sualnain mi lum khumin, Thinurin mi tiduhdah si a.

4.

Ka kawchhungah hian ka thinlung a na em em a: Thih rapthlaknate chuan mi delh a.

5.

Tihna leh khurhnain mi bawh a, Hlauhnain mi khuh zo ta.

6.

Tichuan, "Aw, thuro anga thla neih ka va duh em! Chutichuan ka thawlk daih ang a, thlamuang takin ka awm ang a.

7.

Ngai teh, hla takah ka leng ang a, Thlalerah ka awm ang a. (Selah)

8.

Thli na tak leh thlipui hi Bikna hmunah ka kalsan thuai tur," ka ti a.

9.

Aw Lalpa, an lei chu tichhiain tithler ang che: Khawpuiah chuan inpawngnekna leh innghirnghona ka hmu si a.

10.

Achhun azanin khawpui chu kulh tlangah an vel an vel a: A chhungah chuan sualna leh hrehawmna a awm bawk a.

11.

Suahsualna a chhungah a awm a: Bumna leh tihderna chuan a kawtlai chu a chhuahsan ngai lo.

12.

Mi sawichhetu chu hmelma ani si lo a; Ni se la chu, ka tuar thei zawk tur: Ka chunga intiliana chu mi hawtu a ni hek lo; Ni se la chu ka bihruksan tur:

13.

Nimahsela nang, ka mi anpui, Ka thian, ka thian kawm ngeih i ni miau si a.

14.

Kam thlum taka kan inbiakrawn thin a, Mipui zinga Pathian biak ina kan len thin kha.

15.

Thihna an chungah lo thleng thut se la, Khuarkhurumah chuan a nung chungin chhuk rawh se: Suahsualnate chu an awmnaah leh an kawchhungahte a awm si a.

16.

Kei zawngin Pathian ka ko ang a; Tichuan LALPA'n mi chhandam ang.

17.

Tlaiah te, zingah te, chhunah te ka mangan thu ka sawin ka rum ang a: Tichuan, anin ka aw a ngaithla ang.

18.

Ka chunga mi beina lakah chuan ka nunna hi thlamuang takin a chhanhim ta a: Mi beitute chu an tam si a.

19.

Pathian, hmasang chena awm renga chuan, A ngaithla ang a, anmahni a chhang ang, (Selah) Danglamna nei ngai lo, Pathian tih ngai si lote chu.

20.

Amah nena inremte chungah chuan a kut a lek a: A thuthlung chu a tibawrhbang ta a.

21.

A ka chu hnutetui khal angin a tlawr a, A thinlung erawh chu indona a ni si a: A thute ch hriak aiin a nal a, Nimahsela khandaih pawhi sate a ni si a.

22.

I rit phurh chu LALPA chungah nghat la, tichuan anin a tichak ang che; Mi fel chu engtikah mah tiihnghin a phal lo ang.Nimahsela, aw Pathian, nangin anni chu boralna khuarkhurumah chuan i chhuktir ang: Thisen chhuah hmang mite chu an damchhung chanve pawh an dam zo lo ang. Kei erawh chuan nang ka ring ang che.

23.

Nimahsela, aw Pathian, nangin anni chu boralna khuarkhurumah chuan i chhuktir ang: Thisen chhuah hmang mite chu an damchhung chanve pawh an dam zo lo ang. Kei erawh chuan nang ka ring ang che.

---

←  Psalms (55/150)  →