←  Psalms (48/150)  →
1. LALPA chu a ropui a, nasa taka fak tur a ni, Kan Pathian khawpuiah, a lang thianghlimah chuan.
2. A sanziaa mawi tak, khawvel zawng zawng hlimna chu, Zion tlang chu a ni, hmar lampanga, Lal ropui tak khawpi chu.
3. A lal inahte chuan Pathianin kulhbing sang a nih a inhriattir a.
4. Ngai teh, lalte chu an inpun khawm a, An lo kal a.
5. An hmu a, tichuan mak an ti a; An mangang a, an kal bo ta thuai a.
6. Chutah chuan khurhnain a man a, Hmeichhe nau vei natna angin a man bawk a.
7. Khawchhak thliin Tarsis lawng liante chu i tichhe thin a.
8. Sipaihote LALPA khawpuiah, kan Pathian khawpuiah chuan, Benga kan hriat ang ngeiin kan hmu ta: Pathianin chu khawpui chu kumkhua atan a tinghet ang. (Selah)
9. Aw Pathian, i biak in chhungrilah chuan I ngilneihzia hi kan ngaihtuah tawh.
10. Aw Pathian, i hming ang ngeiin I fakna chu kawlkil thlengin a awm a: I kut dinglam chu felnain a khat a ni.
11. I rorelnate avangin Zion tlang chu lawm takin awm se la, Juda fanute chu hlim takin awm rawh se.
12. Zion chu velin, kal hual u la: A ralven in sangte pawh chhiar rawh u.
13. A kulhte chu chhinchhiah ngun u la. A kal inte chu ngaihtuah rawh u; Thangthar lo awm lehte hnena in hrilh theihna'n.He Pathian hi kumkhaw tlaitluana kan Pathian a ni dawn si a: Thih thleng pawha min hruaitu a ni ang.
14. He Pathian hi kumkhaw tlaitluana kan Pathian a ni dawn si a: Thih thleng pawha min hruaitu a ni ang.
←  Psalms (48/150)  →