| ← Psalms (46/150) → |
| 1. | Pathian chu kan inhumhimhna leh kan chakna, Mangan laia tanpui vartu hnai reng a ni. |
| 2. | Chuvangin leilung hi lo danglamin, Tlangte hi tuifinriat chhung daihah insamw mah se la kan hlau lo ang; |
| 3. | A tuite chu ri hum humin phul bulh bulh mah se la, A fawn nasat avangin tlangte hi nghing dur dur mah se la, kan hlau chuang hek lo ang. (Selah) |
| 4. | Lui pakhat a awm a, chu mi pengte chuan Pathian khawpui chu a tilawm thin. Chungnungbera awmna hmun thianghlim chu. |
| 5. | Pathian chu a lai takah a awm a; a nghing lo ang a: Pathianin khawfing chah hunah chuan a tanpui ang. |
| 6. | Hnam tin an ri hum hum a, ramte chu a nghing a: A ni chuan a aw a chhuah a, leilung hi a lo tui zo ta a, |
| 7. | Sipaihote LALPA chu kan hnenah a awm a; Jakoba Pathian chu kan kulhbingsang a ni. (Selah) |
| 8. | Hawh u, LALPA thiltihte hi en rawh u, Leilunga thil a tihchhiatziate hi. |
| 9. | Ani chuan indonate chu kawlkil thlengin a tireh thin a; Thal ngul chu a titliak a, fei chu a sat bung thin a; Tawlailirte chu meiah a rawh ral thin. |
| 10. | Ngawi u la, Pathian ka ni tih hi hre rawh u: hnam tin zingah chawimawiin ka awm ang a, leiah hian chawimawiin ka awm ang.Sipaihote LALPA chu kan hnenah a awm a; Jakoba Pathian chu kan kulhbingsang a ni. (Selah) |
| 11. | Sipaihote LALPA chu kan hnenah a awm a; Jakoba Pathian chu kan kulhbingsang a ni. (Selah) |
| ← Psalms (46/150) → |