←  Psalms (42/150)  →

---

1.

Sakhi, luite tui chaka a thaw huam huang ang hian, Aw Pathian, ka nunna hi nangmah chakin a thaw huam huam a ni.

2.

Ka nunna hi pathian chakin, Pathian nung chakin, a tuihal a ni: Engtikah nge Pathian hma ka thlen ang a, ka inlan ang aw?

3.

Ka mittui hi a chhun azanin ka chaw a ni. "Khawiah nge i Pathian le?" mi lo ti chamchi a.

4.

Heng thil hi ka hre reng a, ka nunna hi ka chhungah ka leihbua a, Mipui zinga ka kal a, hlimna leh fakna ri nena, mi tam tak kut, Pathian biak in pana an hma ka hruai thinziate kha.

5.

Aw ka nunna, engah nge i kun reng? Engah nge ka chhungah hian i buai ni? Pathian beisei rawh: a hmela damna avangin Amah chu ka la fak dawn si a.

6.

Aw ka Pathian, ka nunna ka chhungah hian a kun reng a: Chuvangin Jordan leh Hermon ram atang te, Mizar tlang atangte hian ka hre reng che a ni,

7.

I tui luang ri dur durahte hian tui thuk leh tui thuk chu an inau va: I tuifawn leh i tui inchhawk zawng zawngte chuan mi vur pil ta a.

8.

Nimahsela LALPA'n a ngilneihna chu chhunah thu a pe ang a, A hla chuan zanah mi awmpui ang, Ka nuna Pathian hnena tawngtaina chuan.

9.

Pathian ka lungpui hnenah chuann, "Engah nge mi theihnghilh le? Engah nge dotu hnehchhiahna avanga lungngaia ka van ruai thin le?" ka ti ang.

10.

Ka ruha khandaih awm ang maiin mi dotute chuan mi sawichhe thin a; "Khawiah nge i Pathian le?" mi lo ti chamchi a.Aw ka nunna, engah nge i kun reng? Engah nge ka chhungah hian i buai ni? Pathian beisei rawh: amah chu ka la fak dawn si a, Ka hmel tidamtu leh ka Pathian chu.

11.

Aw ka nunna, engah nge i kun reng? Engah nge ka chhungah hian i buai ni? Pathian beisei rawh: amah chu ka la fak dawn si a, Ka hmel tidamtu leh ka Pathian chu.

---

←  Psalms (42/150)  →