←  Psalms (41/150)  →

---

1.

Retheite ngaihtuah mi chu a eng a thawl e, Mangan ni chuan LALPA'n a ni chu a chhanhim ang.

2.

LALPA'n ani chu humhimin a tinung ang a, leiah hian malsawmin a awm ang: Amah dotue duh duha tihah pe suh ang che.

3.

LALPA'n a chauhna mut hmunah chuan a tichak ang a: Nangin a dam loh laiin a mutna i siamsak vek thin.

4.

Keiin, "Aw LALPA, mi khawngaih la, Ka nunna hi tidam ang che, i chungah thil ka tisual si a, ka ti a.

5.

Mi dotute chuan, "engtikah nge a thih ang a, a hming a bo ang?" tiin, Mi sawichhe thin a.

6.

Tin, an zinga tuin emaw mi rawn kan lahin, thu engmah lo mai mai a sawi thin a; A thinlung chuan sualna a la khawm thin a: A kal chhuah veleh mi a hrilh thin.

7.

Mi hawtute zawng zawng chuan mi hekna thu sesein an la a: Mi tihchhiatna tur an suangtuah thin.

8.

"Natna tha lo takin a tlakbuak ta a: Tuna a mu hi a tho leh tawh lo ang," an ti a.

9.

A ni, ka thian kawmngeih, ka rin tak, ka chhang eipui ngei chuan A ke artui ka chungah a lek ta.

10.

Nimahsela, aw LALPA, nangin mi khawngaih la, Anmahni ka thungrulh t heihna turin mi kaitho leh ang che.

11.

He mi-ah hian ka chungah i lawm tih ka hria, Mi dotu chuan mi ngam thin loh avang hian.

12.

Kei zawng rilru tha tak ka putnaah hian nangin mi chelh reng a, A hmaah chuan kumkhua atan mi dah a.LALPA, Israela Pathian chu, Chatuan ata chatuan thlengin fakin awm rawh se.

13.

LALPA, Israela Pathian chu, Chatuan ata chatuan thlengin fakin awm rawh se.

---

←  Psalms (41/150)  →