←  Psalms (39/150)  →

---

1.

"Ka lei hian thil ka tihsual lohna turin Ka awm dante hi ka veng tha ang a: Mi suaksualte ka hmaa an awm chhung zawng Ka ka hi hmui phuarnain ka phuar ang," ka ti a.

2.

Chutichuan ngawi rengin tawng loin ka awm a, A tha lamah pawh ka ngawi reng a; Nimahsela ka lungngaihna chu chawhthawhin a awm zawk mah a.

3.

Ka kawchhungah hian ka thinlung a sa huam huam a; Ka ngaihtuah ka ngaihtuah chuan mei chu a alh chhuak a; Tin, ka lei hian thu ka sawi ta a:

4.

"LALPA, ka tawpna tur leh, ka dam chin tur chu Engtin nge ni tih, mi hriattir la; Ka derdepzia hi mi hriattir ang che.

5.

Ngai teh, ka dam chhung hi kutphah bawk lekin i siam a; Ka kum hi i mithmuhah chuan engmah tham ani lo a; Mi tin, hi an that lai ber pawhin an pumin engmah lo mai an ni.

6.

Mi tin, hi hlim angin an leng tak meuh va: (Selah) An buai thlawn tak meuh thin a ni.Ro a khawl khawm thin a, a khawmtu tur a hre si lo.

7.

Tin, LALPA, tunah eng nge ka nghah le? Nangmahah a ni, ka beiseina a awm ni.

8.

Ka bawhchhiatna zawng zawng lakah mi chhanchhuak la: Mi a sawichhiatin mi awmtir suh ang che.

9.

Nangma tih a nih avangin Ka tawng lo a, ka ka ka ang hek lo

10.

I mi vuakna hi ka hnen ata mi lak sawnsak la: I kutthlaka tihboral ka nih hi.

11.

Mi a bawhchhiatna avanga zilhhaunatea i thunun hian, A duhawmna hi sulrul angin i tichhe thin a; Mi tin, hi engmah lo mai an ni (Selah)

12.

Aw LALPA, ka tawngtaina hi ngaithla la, ka auhnaah hian beng chhi la; Ka mittui tla hi ngawihsan suh ang che. I mikhual ka ni a, Mi thlahtute zawng zawng ang khan pem mai ka ni si a.Aw, heta tak ka chhuah a, ka awm loh hlen daih hma hian, Ka harh lehna turin mi zuah ang che.

13.

Aw, heta tak ka chhuah a, ka awm loh hlen daih hma hian, Ka harh lehna turin mi zuah ang che.

---

←  Psalms (39/150)  →