| ← Psalms (29/150) → |
| 1. | Aw mi thiltithei tak fate u, LALPA hnenah pe u la; LALPA hnenah chuan ropuina leh chakna pe rawh u. |
| 2. | LALPA hnenah a hming ropuina chu pe u la; Thianghlim mawina inbelin LALPA chu chibai buk rawh u. |
| 3. | LALPA aw chu tui chungahte chuan a ri a: Ropuina Pathian chu a lo ri dur dur a, Lalpa ngei chu tui tam tak chungahte a lo ri a. |
| 4. | LALPA aw chu thiltithei tak a ni a; LALPA aw chu ropui ta a ni. |
| 5. | LALPA aw chuan sidar thingte chu a titliak ang a; A ni, LALPA chuan Lebanon tlanga sidar thingte chu a titliak seng sung thin. |
| 6. | Bawng no tualchai angin a chettir thin a; Lebanon leh Sirion tlange chu sele no ang maiin. |
| 7. | LALPA aw chuan meialhte a phel thin. |
| 8. | LALPA aw chuan thlaler a nghawr nghing a; LALPA chuan Kadesh thlaler chu a tinghing thin. |
| 9. | LALPA aw chuan zukpuite chu no a chhiattir a, Ngawpui thin ghnahte chu a nuai kawlh vek thin a: A biak inah chuan thlengkimin, "A ropui e," an ti theuh thin. |
| 10. | LALPA chu Tuilet lai khan lalah a thu a, A ni, LALPA chu kumkhua atan lalah a thu a ni.LALPA chuan a mite hnenah chakna a pe ang a, LALPA chuan a mite chu thlamuannain mal a sawm ang. |
| 11. | LALPA chuan a mite hnenah chakna a pe ang a, LALPA chuan a mite chu thlamuannain mal a sawm ang. |
| ← Psalms (29/150) → |