←  Psalms (27/150)  →

---

1.

LALPA chu ka eng leh mi chhandamtu a ni; tu nge ka tih ang? LALPA chu ka nuna kulhbing a ni; tu nge ka hlauh vang?

2.

thil tha lo tiho, mi dotute leh ka hmelmate chuan, ka sa ei tuma mi bei lai khan, An inchhuih a, an tlu ta hlawm a.

3.

Sipai pawlhoin mi bei tumin mi ep reng mah se la, Ka thinlung hian a hlau lo ang: Ka chungah indona lo chhuak mah se la, Chuti pawhin ka ring tlat ang.

4.

LALPA hnenah thil pakhat ka dil a, chu mawlh chu ka zawng ang; LALPA mawizia hmu tur leh, a biak ina thu zawt turin Ka dam chhung zanga LALPA ina ka awm reng theihna tur chu.

5.

Mangan ni chuan a bukteah mi dah ru dawn si a, A humhimna puan inah chuan mi thukru ang a: Lungpui chungah mi hlang kai ang.

6.

Tunah hchuan mi do ta, mi hual veltute chung lamah ka lu hi chawikanin a awm ang; Tichuan a puan inah chuan hlimna inthawinate ka hlan ang a; Ka zai ang, a ni, LALPA fakin ka zai ang.

7.

Aw LALPA, ka awa ka auh che chuan ngaithla ang che: Mi khawngaih la, mi chhang bawk ang che.

8.

"Ka hmel zawng rawh u," tia i sawi lai khan; ka thinlung chuan i hnenah, "LALPA, i hmel ka zawng ang," a ti a.

9.

Ka lakah hian i hmai thup suh la; I chhiahhlawh hi thinurin tibo suh ang che: Nang chu mi tanpuitu i ni thin a; Aw mi chhandamtu Pathian, mi paih thla suh la, mi kalsan lul suh ang che.

10.

Ka nu leh ka pa chuan mi kalsan ta si a, Nimahsela LALPA chuan mi la pawm ang.

11.

Aw LALPA, i kawng chu mi entir la; Ka hmelmate avang hian Kalkawng phei takah mi hruai ang che.

12.

Mi dotute duh duha tihah mi pe lul suh ang che: Hretu derten mi bei a, nunchhiat thu chhak chhuak thintute chuan.

13.

Mi nung ramah hian LALPA thatna hmuh inring suh i la chuan ka chauh tawh tur a ni.LALPA chu nghak reng rawh; Chak takin awm la, i thinlung chu intihuai rawh se; A ni, LALPA chu nghak reng rawh.

14.

LALPA chu nghak reng rawh; Chak takin awm la, i thinlung chu intihuai rawh se; A ni, LALPA chu nghak reng rawh.

---

←  Psalms (27/150)  →