←  Psalms (22/150)  →
1. Ka Pathian, ka Pathian, engah nge mi kalsan? Engah nge mi tanpi turin i hlat em a, ka rumna thute atanga i hlat le?
2. Aw ka Pathian, chhunah ka au a, nimahsela i chhang si lo a; Zanah ka au bawk a, ka ngawi chuang lo.
3. Nimahsela, aw nang Israel-ho faknaa cheng htin, Nang zang i thianghlim a ni.
4. Min thlahtute chuan an lo ring chai: An ring a, tichuan nangin i lo chhanhim thin.
5. An au chia, tichuan chhanhimin an lo awm thin a: An ring chia, tichuan mualphoin an awm ngai lo.
6. Kei erawh chu mihring reng reng ka ni lo a, changpat mai ka ni a; Mihringte sawichhiat leh mite hmusit ka ni.
7. Mi hmu apiangin mi nuihsan a: An hmui an kum a, an lu an thing a,
8. "LALPA chungah innghat ta che, ani chuan maah hi chhanhim ang hmiang: A chunga a lawm avangin chhanhi ang hmiang," an ti a.
9. Nang erawh chu chhul ata mi la chhuaktu chu i ni a: Ka nu hnute chunga ka awm lai khan nangin mi rintir a.
10. Chhul atang rengin nangma chunga nghah ka ni a: Nang chu ka nu pum chung atang rengin Pathian i ni.
11. Mi hlat lul suh ang che: manganna tur a hnai si a; Tanpuitu tur reng reng an awm si lo.
12. Bawngpa tam takin mi hual vel a. Bansan rama bawngpa chak takate chuan mi hual vek khup a.
13. Sakeibaknei koham hahum hamng angin An kain mi an khum a.
14. Tui anga leihbuakin ka awm a. Ka ruh zawng zawng pawh pelhsawlhin a awm a: Ka thinlung hi khawihnun ang a ni a; Ka ril zingahte hian a tui zo ta a.
15. Ka tha hi lampei angin a ro zo a; Ka lei pawh hi ka dangah a bet ta tlat a; Nangin thihna vaivutah hian mi hruai lut ta ani hi.
16. Ui chuan mi hual vel si a: Thil tha lo titu awm khawmte chuan mi hual tlat a; Ka kut leh ka kete hi a tipawp a.
17. Ka ruh zang zang hi ka chhiar thei a; Anni lah chuan mi enin mi melh reng a:
18. Ka silhfente an insem a, Ka kawr atan thum an vawr a,
19. Nang erawh chuan, aw LALPA, mi hlat lul suh la: Aw, mi tichaktu, mi tanpui turin hmanhmawh ang che.
20. Ka nunna hi khandaih lakah chuan chhanhim la; Ka neih chhun tak hi ui thiltihtheihna lakah chuan chhanhim ang che.
21. Sakeibaknei kaa mi chu mi chhandam ang che; A ni, selepa kia mi chu nangin mi chhang ta,
22. Ka unaute hnenah i hming ka hril ang a: Inkhawmho zingahte chuan ka fak ang che.
23. LALPA tihtute u, amah chu fak rawh u; Jakoba thlah zawng zawngte u, amah chu chawimawi rawh u; Israela thlah zawng zawngte u,m amah chu hlau rawh u.
24. Ani chuan hreawm tuartu hreawmzia chu ahmusit si lo a, a ten hek lo; A hmai chu alakah a thup hek lo; Amah a auhin a NGAITHLA ZAWK A.
25. Inkhawmna ropui taka ka fak thinna che hi nangma hnena mi a ni: Amah tihtute hmaah chuan ka thutiam ka hlen ang.
26. Thuhnuairawlthe chuan an ei ang a, an tlai ang: Amah zawngteute chuan LALPA chu an fak ang: In thinlung chu kumkhuain nungin awm rawh se.
27. Kawlkila mi zawng zawng pawhin an hre leh ang, LALPA lam an hawi tawh ang a: Hnam tina chi tin, i hmaah an kun ang.
28. Ram chu LALPA ta a ni a: Hnam tin chunga roreltu a ni si a.
29. Leia mi neinung zawng zawngte chuan an eiin chibai an buk ang a: Vaivuta chhuk tur zawng zawngte chu ahmaah an la kun ang, Mahni nunna tinung reng thi lo chu.
30. Thangtharten a rawng an bawl ang a; Thangthar lo awm zelte hnenah chuan LALPA chanchin chu an hril ang.LALPA'n a mite a chhanhim,' tiin La piang turte an hrilh ang.
31. LALPA'n a mite a chhanhim,' tiin La piang turte an hrilh ang.
←  Psalms (22/150)  →