←  Psalms (148/150)  →

---

1.

LALPA chu fak rawh u. Van atangte khian LALPA fak u la: Chung lamahte khian amah chu fak rawh u.

2.

A vantirhkoh zawng zawngte u, amah chu fak u la: A sipaiho zawng zawngte u, amah chu fak rawh u.

3.

Ni leh thlate u, amah chu fak u la: Arsi engho zawng zawngte u, amah chu fak rawh u.

4.

Van sangte u, amah chu fak u la, Van chunga tui awmte u, amah chu fak ve rawh u.

5.

Chungho chuan LALPA hming chu fak rawh se: Ani chuan thu a pe a, siamin an lo awm ta si a.

6.

Ani chuan chungho chu kumkhaw tlaitluan atan a tinghet a: Thu, boral lo tur chu, a ruat a.

7.

Lei atang hian, Nangni drakonte leh tui thuk zawng zawngte u:

8.

Mei leh rial te, vur sur leh chhumte u; A thu zawm thin thlipuite u:

9.

Tlang lian leh tlang te zawng zawngte u; Thing rah duhte leh sidar thing zawng zawngte u:

10.

Ram sate leh ran zawng zawngte u; Rannungte leh chungleng savate u:

11.

Leia lalte leh mi tinrengte u; Mi liante leh leia roreltu zawng zawngte u:

12.

Nula leh tlangvalte, Putar leh naupangte u, LALPA chu fak rawh u:

13.

Chungho chuan LALPA hming chu fak rawh se; A hming chauh chu chawisanin a awm si a: A ropuina chuan lei leh van a khum daih a.A mite ki chu a chawimawi bawk a, A mi thianghlim zawng zawng fakna chu; Israel fa, a kianga mite fakna chu, LALPA chu fak rawh u.

14.

A mite ki chu a chawimawi bawk a, A mi thianghlim zawng zawng fakna chu; Israel fa, a kianga mite fakna chu, LALPA chu fak rawh u.

---

←  Psalms (148/150)  →