← Psalms (147/150) → |
1. | LALPA chu fak rawh u; Kan Pathian faka zai hi a tha si a; |
2. | Chu chu a nuamin, fak hi a awm reng a ni. LALPA chuan Jerusalem chu a din leh a; Israel hnawh chhuahhote chu a hruai khawm leh a. |
3. | Lungchhiate chu a tidam a, An hliamnate chu a tuam thin a. |
4. | Arsi tam chin a chhiar a; An hming a vuah theuh hlawm thin a. |
5. | Kan Lalpa chu a ropui a, thiltihtheih lamah pawh chak tak ani a; A finna chuan tawpintai a nei lo. |
6. | LALPA chuan thuhnuairawlhte chu a chelh reng a: Mi suaksualte chu leiah a titlawm thin. |
7. | Lawm thu sawia LALPA chawimawiin hla sa u la; tingtang nen kan Pathian fakin zai rawh u. |
8. | Ani chuan van khi chhum a zam hliahtir a, Leilung atan ruah a buatsaih a, Tlangahte chuan hlobet a totir thin a. |
9. | Ani chuan sa hnenah a ei tur a pe thin, Choak no hram hramte hnenah nen. |
10. | Ani chu sakawr chakna chungah chuan a lawm lo va: Mihring ke chungahte pawh lawmna reng reng a nei thin lo. |
11. | LALPA chuan amah tihtute chungah chuan lawmna a nei thin, A ngilneihna beiseitute chungah chuan. |
12. | Aw Jerusalem, LALPA chu fak rawh; Aw Zion, i Pathian chu fak rawh. |
13. | Ani chuan i kulh kawngkharte kalhna thing tlawnte a tikhauh a; I chhunga i fanau awmte chu mal a sawm si a. |
14. | I ramri chhungah chuan remna a siam a; Buh tha ber chiin a tikhat thin che a ni. |
15. | A thupek chu leiah hian a tir chhuak a; A thu chu chak takin a tlan thin. |
16. | Vur sur chu beram hmul angin a pe a; Vur tla chu vut angin a theh darh thin. |
17. | A tui khal chu chhang them nawi angin a paih chhuak thin a: Ama vawhna hmaah chuan tu nge ding thei ang? |
18. | A thu chu a tir chhuak a, chung chu a titui a: A thli a tlehtir a, chutichuan tuite chu a lo luang thin. |
19. | A thu chu Jakob-ho hnenah a lantir a, A thuruatte leh a rorelte pawh chu Israel-ho hnenah a lantir thin.Ani chuan eng hnam chungah mah chutiang chuan a ti ngai lo: A rorel lah chu an hre hek lo. LALPA chu fak rawh u. |
20. | Ani chuan eng hnam chungah mah chutiang chuan a ti ngai lo: A rorel lah chu an hre hek lo. LALPA chu fak rawh u. |
← Psalms (147/150) → |