← Psalms (146/150) → |
1. | LALPA chu fak rawh u. Aw ka nunna, LALPA chu fak rawh. |
2. | Ka dam chhung zawngin LALPA chu ka fak ang a: Ka nun chhung zawngin ka Pathian fakin ka zai ang. |
3. | Mi liante chu ring suh u la, Mihring fapa, tanpuina reng reng awm lohna chu, ring hek suh u. |
4. | A thawin a chauhsan a, ani chu a leilungah a kir leh a; Chu mi ni ngei chuan a ngaihtuahnate chu a bo nghal a ni. |
5. | Jakoba Pathian tanpuitua nei chu, lawm takin a awm thin, LALPA Pathiana beiseina neitu chu: |
6. | Ani chu lei te, van te, Tuifinriatte leh an chhunga awm zawng zawng siamtu a ni; Ani chuan thutak kumkhua atan a vawng tha thin a; |
7. | Ani chuan hnehchhiahna tuarte tan ro a rel thin a; Ani chuan riltamte hnenah chaw a pe thin: LALPA chuan mi tangte a chhuah thin a; |
8. | LALPA chuan mitdelte mit a tizvar thin a; LALPA chuan kun ngawih ngawihte chu a kai tho thin a; LALPA chuan mi felte chu a hmangaih thin a; |
9. | LALPA chuan mikhualte chu a vawng tha thin a; Pa nei lo leh hmeithai chu a chelh reng thin a; Mi suaksualte kawng erawh chu a tiletling thin. |
10. | LALPA chu kumkhuain lalah a thu ang, Aw Zion, i Pathian chu chuan zawng zawng thlengin lalah a thu ang.LALPA chu fak rawh u. |
← Psalms (146/150) → |