←  Psalms (141/150)  →

---

1.

LALPA, ka koh che hi, ka hnenah lo kal thuai la: Ka koh chein ka aw-ah hian beng lo chhi ang che.

2.

Ka tawngtaina hi englo rimtui tak angin i hmaah tihchhuahin awm se la; Ka kut phar hi tlai lam inthawina angin awm rawh se.

3.

Aw LALPA, ka ka bulah hian vengtu thuttir la; Ka hmui kawngkhar hi veng ang che.

4.

Suahsualna thilte Thil tisual mite tihpui tur chuan, Ka thinlung hi thi tha lo reng reng lamah chuan thlektir suh la: An ei tur tak takte chu mi eitir suh ang che.

5.

Mi fel chuan mi vaw rawh se, khawngaihna a ni ang; Mi zilhhau rawh se, lua hriak thih ang a ni a; Ka luin duh lo suh se: An suahsualn pawhin ka tawngtai zel dawn si a.

6.

An roreltute chu lungpui sirah paih thlakin an awm a; Anni chuan ka thute chu an ngaithla tawh ang; a thlum si a.

7.

Mi'n lei a leh a, a tihsawm ang hian, Ka ruhte hi thlan kovah tihdarhin a awm a.

8.

Aw PATHIAN, Lalpa, ka mitin i lam a en si thin a: Nangmahah chuan ka rinna ka nghat thin; ka nunna hi saruakin hnutchhiah suh ang che.

9.

Ka awhna'na thang an kam lekah chuan mi humhim ang che, Thil tisualtute thang lakahte nen.Keiin ka kal pelh lai takin, Mi suaksualte chu anmahni lenahte chuan tlu lut rawh se.

10.

Keiin ka kal pelh lai takin, Mi suaksualte chu anmahni lenahte chuan tlu lut rawh se.

---

←  Psalms (141/150)  →