←  Psalms (116/150)  →

---

1.

LALPA chu ka hmangaih a ni, ka aw leh Khawngaih ka dilnate chu a ngaithlak avangin.

2.

Ka lama a beng a rawn dawh avangin Ka dam chhung zawngin amah chu ka ko ang.

3.

Thihna hruihrualte chuan mi zem a, Seol natnate chuan mi man a: Manganna leh lungngaihna ka lo tawk a.

4.

Chu veleh chuan LALPA hming chu ka lam a; "Aw LALPA, khawngaih takin ka nunna hi chhanhim ang che," tiin.

5.

LALPA chu mi khawngaih thei tak leh fel tak ani a; A ni, kan Pathian chu mi lainat thei tak a ni.

6.

LALPA chuan mi mawlte chu a humhim thin a: Tihhniamin ka awm a, ani chuan mi chhandam ta a.

7.

Aw ka nunna, i chawlhnaah chuan kir leh rawh; LALPA chuan i chungah tha takin a ti ta si a.

8.

Ka nunna hi thihna lakah, Ka mitte hi mittui lakah,

9.

Ka kete hi tlukna lakah i chhanhim si a. Mi nung ramah hian LALPA hmaah ka leng ang.

10.

Ka ring a, thu ka sawi dawn anih hi: Nasa taka tihhreawmin ka awm kha. Ka hamhaihin, "Mi zawng zawng dawt an ni," ka lo ti ta mai a.

11.

Ka chunga a thiltih that zawng zawng avang hian LALPA chu eng nge ka pek ve thung ang?

12.

Chhandamna no ka la ang a, LALPA hming chu ka lam ang.

13.

Ka thutiamte chu LALPA lakah ka hlen ang, A ni, amite zawng zawng hmaah chuan.

14.

A mi thianghlimte thihna chu LALPA ngaih chuan hlu tak a ni.

15.

Aw LALPA, i chhiahhlawh ka ni takzet mai: I chhiahhlawh, i bawihnu fapa chu ka ni a; Mi phuarnate chu ka phelh ta a.

16.

Lawmthu sawi inthawinate chu ka hlan ang chia, LALPA hming chu ka lam ang.

17.

Ka thutiam chu LALPA lakah ka hlen ang. A ni, a mite zawng zawng hmaah chuan;LALPA biak in hung chhung kawtlaiah, Aw Jerusalem, i lai takah ka hlen ang. LALPA chu fak rawh u.

18.

LALPA biak in hung chhung kawtlaiah, Aw Jerusalem, i lai takah ka hlen ang. LALPA chu fak rawh u.

---

←  Psalms (116/150)  →