← Psalms (115/150) → |
1. | Aw LALPA, keini min pe loin, keimahni min pe loin, I hming chu ropuina pe zawk ang che, I ngilneihna leh i thutak avangin. |
2. | Engati nge hnam tinin, "Khawiah nge an Pathian kha le?" an tih ni? |
3. | Kan Pathian chu vanah a awm si a: A duh apiang a ti a ni. |
4. | An milemte chu tangka leh rangkachak an ni a, Mihring kut chhuak an ni. |
5. | Kate an nei a, ant awng thei si lo a; Mitte an nei a, an hmu thei si lo a; |
6. | Bengte an nei a, an hre thei si lo a; Hnarte an nei a, rim an hre thei si lo a; |
7. | Kutte an nei a, engmah an khawih thei si lo a; Kete an nei a, an kal thei si lo a; An hrawkin an tawng thei hek lo. |
8. | Chung siamtute chu chungte ang chuan an awm ang; A ni, chung ringtu apiangte chu. |
9. | Aw Israel-hote u, LALPA chu ring rawh u; Ani chu anmahni tanpuitu leh an phaw a ni. |
10. | Aw Arona chhungte u, LALPA chu ring rawh u: Ani chu anmahni tanpuitu leh an phaw a ni. |
11. | LALPA tihtute u, LALPA chu ring rawh u: Ani chu anmahni tanpuitu leh an phaw a ni. |
12. | LALPA chuan min hre reng a; mal min sawm ang: Israela chhungte ch mal a sawm ang a; Arona chhungte chu mal a sawm ang. |
13. | LALPA tihtute chu mal a sawm ang, A lian a tein. |
14. | LALPA chuan tipung deuh deuh che u rawh se, Nangmahni leh in fate nen. |
15. | LALPA malsawm dawngtu in ni. Ani chu lei leh van siamtu a ni. |
16. | Vante khi LALPA vante an ni a; Leilung erawh hi chu mihring fate a pe a ni. |
17. | Mitthite chuan LALPA chu an fak lo a, Hmun reh taka chhukte reng reng chuan an fak hek lo;Keini erawh chuan LALPA chu kan fak tawh ang. Tun atanga, kumkhuain. LALPA chu fak rawh u. |
18. | Keini erawh chuan LALPA chu kan fak tawh ang. Tun atanga, kumkhuain. LALPA chu fak rawh u. |
← Psalms (115/150) → |