| ← Psalms (11/150) → |
| 1. | LALPA-ah chuan ka rinna ka nghat thin. Engtizia nge ka nuna hnenah hian, "In tlangah chuan, sava angin, thlawk bo rawh u. |
| 2. | En teh u, thinlung dik tak pu thim hnuaia an kah theihna turin, Mi suaksualte chuan thal ngul an kuai a, An thal chu a hruiah an vuah diam saw. |
| 3. | Lungphumte chu tihchhiata a awm chuan, Mi felin eng nge a tih theih ang?" in tih ni? |
| 4. | LALPA chu a biak in thianghlimah a awm a, LALPA chu, a lalthutphah zawng vanah a awm; Mihring fate hi amitin a en a, an thiltihte a hmu. |
| 5. | LALPA chuan mi fel chu a fiah thin a: Mi suaksual leh nunrawnna ngaina erawh chu a nunnain a haw thin. |
| 6. | Misuaksualte chungah chuan thangte a surtir ang a; Mei leh kat leh thli lum tak hi an no chan tur ani ang.LALPA chu a fel si a; felni hi angaina thin a: Mi dik takte chuan a hmel an la hmu ang. |
| 7. | LALPA chu a fel si a; felni hi angaina thin a: Mi dik takte chuan a hmel an la hmu ang. |
| ← Psalms (11/150) → |