← Psalms (109/150) → |
1. | Aw, ka fak Pathian, ngawi reng suh ang che; |
2. | Mi suaksual ka leh ka bumhmang chu ka chungah an ang si a: Anni chuan lei dawtheiin ka hnenah thu an sawi a. |
3. | Huatna thuin mi hual vel a, Enga khawlawi loin mi do a. |
4. | Ka hmangaih avangin mi dotute an lo ni ta a: Nimahsela kei chu tawngtai turin ka inpe tlat a. |
5. | Anni chuan thil tha hchu thil sualin mi rul a, Ka hmangaihna chu huatnain mi rul bawk a. |
6. | Nangin a chungah mi sual dah la: A ding lamah hektu ding rawh se. |
7. | rorelsaka a awm hunin thiam loh changin chhuak se la; A tawngtaina chu sualnaah lo chang rawh se. |
8. | A dam chhung nite chu tlem se la; A hotu nihna chu mi dangin chang rawh se. |
9. | A fate chu pa loin awm se la, A nupui chu hmeithaiin awm bawk rawh se. |
10. | A fate ch mi vakvai lo niin, kut dawh se la; An ei tur chu an hmun ramahte chuan zawng rawh se. |
11. | A pung uma tangka puktirtu chuan a neih zawng zawng chu laksak vek se la; Mikhualte chuan a thawhrim rah chu rawk rawh se. |
12. | A chunga ngilneihna lantir zeltu tur tumah awm suh se la; A fa, pa nei lo te khawngaihtu tur tumah awm hek suh se. |
13. | A thlahte chu tihboralin awm se la; Thangthar lo la awm lehah chuan an hming chu thai boin awm rawh se. |
14. | A thlahtute khawlohna chu LALPA hnenah hriat rengin awm se la; A nu sualna chu thai boin awm suh se. |
15. | Chungte chu LALPA hmaah awm fo rawh se. Ani chuan anmahni hriat rengna chu lei ata a tihboral theihna'n. |
16. | Ngilneihna lantir nachang a hriat loh a, Mirethei pachhia leh lungchhiate chu Tihhlum tuma a tihduhdah zawk avangin. |
17. | A ni, mi anchhe lawh hi a duhzawng ani a, tichuan ama chungah alo thleng a; Mi malsawm hi alawmzawng a ni lo a, tichuan amah hlat daihah a awm a. |
18. | Kawrfuala inthuam angin anchhe lawhnain a inthuam a, Chu chu a kawchhungahte chuan tui angin a lut a, A ruhahte chuan hriak angin a lut bawk a. |
19. | Chu chu a tan a inbel thinna silhfen angin awm se la, A inhren fona kawnghren ni bawk rawh se. |
20. | Chung chu mi dotute leh ka nunna sawichhetute LALPA'n a thungrulhna a ni. |
21. | Nimahsela, aw PATHIAN, Lalpa, nangin i hming avangin mi tihpui la, I ngilneihna a that avangn mi chhanhim ang che, |
22. | Rethei leh pachhe tak ka ni a, Ka thinlung hi ka kawchhungah hliamin a awm bawk si. |
23. | Hlim ral lam tung tawh ang hian ka ral a: Khaukhuap ang hian len boin ka awm a. |
24. | Ka khupte hi chaw nghei avangin a chak ta lo a; Ka tisa hian thau reng a pu ta lo. |
25. | Anmahni sawichhiat ka lo ni ta a: Mi hmuh veleh an lu an thing thin. |
26. | Aw LALPA, ka Pathian, mi tanpui la; Aw i ngilneihna avangin mi chhandam ang che: |
27. | Chu chu i kut ani tih an hriat theih a, LALPA, nangin i tih a ni tih an hriat theihna turin. |
28. | Annin anchhia lawh rawh se, nang erawh chuan malsawm zawk ang che: An thawh veleh an mualpho ang a, I chhiahhlawh erawh chu a hlim ang. |
29. | Mi dotute chu zahna puan sintirin awm se la, Kawr intuam angin anmahni mualphonain intuam rawh se. |
30. | Ka ka hian LALPA hnenah lawm thu nasa tak ka sawi ang: A ni, mipui zingah amah chu ka fak ang.Ani chu pachhe ding lamah a ding ang, A nunna rorelsaktute lak chhandam turin. |
31. | Ani chu pachhe ding lamah a ding ang, A nunna rorelsaktute lak chhandam turin. |
← Psalms (109/150) → |