←  Psalms (104/150)  →
1. Aw ka nunna, LALPA chu fak rawh. Aw LALPA ka Pathian, nang chu i ropui em em a;
2. Chawimawina leh ropuinain i inthuam a. Nang chuan eng chu puan angin i inbel a; Vante khi puan in chung angin i kai pharh a:
3. Ani chuan a pindan chungnung kalkhangte chu tuiahte khian a khang a: Chhumte khi a tawlailirah a siam a; Thli thla chungahte chuan a leng a:
4. A vantirhkohte chu thliahte a chantir a; A rawngbawltute chu mei alh dur durah a chantir thin:
5. Leilung nghahchhante chu a phum a, Kumkhuaa a nghin lohna'n.
6. Nang chuan leilung hi tui thuk tak chu puan angin i sintir a; Tuite chu tlang chungahte chuan a awm po a.
7. I zilhhauna avang chuan a tlan bo a; I khawpui ri thawm avang chuan a kal bo ta thuai a;
8. Tlangahte a chho a, kawrahte a chhuk a, A tan hmun i buatsaih lamah chuan.
9. A pelh loh turin ri i kham a; Lei chim pil tura alet leh tawh lohna turin.
10. A ni chuan kawrahte chuan tuihnate a tir chhuak a; Tlang karahte chuan a luang a:
11. Chungte chuan ram sa tinrengte in tur a pe thin a; Ram sabengtungte chuan an tuihal an tireh thin.
12. A kamahte chuan chungleng savante awmna an nei thin a. Thing buk zingahte chuan an hram thin.
13. Ani chuan a pindan chungnung atangte khian tlangte chu tuiin a chawm thin a: Lei hi i thiltih rahtein a tlai thin
14. Hlobet chu rante tan a totir thin a, Thlai chu mihring hmanah a totir bawk thin; Lei atangin ei tur a chhuahtir theihna'n:
15. Mihring thinlung tihlawmna uain nen, A hmai tihmawmna tur hriak nen, Mihring thinlung tihchakna chhang nen.
16. LALPA thingte chu a tlai thin; Lebanon tlanga sidar thing a phunnate chu.
17. Chutah chuan savaten bu an chhep thin: Vacha erawh chu far thingte chu a in a ni.
18. Tlang sangte chu sathar tan ani a; Luipuite chu sazupui tan inhumhimna a ni.
19. Ani chuan thla khi hunbi hriatna'n a ruat a: Ni khian a tlak hun chu a hre thin.
20. Nang chuan thim i siam a, zan a lo ni thin a; Chu mi hunah chuan ramhnuaia sa tinrengte chu an tla chuak thin.
21. Sakeibaknei vanglaite chuan an sa seh tur chu hahum zuiin, Pathian hnen ata an ei tur an zawng thin.
22. Ni a chhuak a, an kal bo a, An awmna puk theuhvahte chuan an mu thin a.
23. Mihring chu hna thawkin a chhuak a, Tlai lam thlengin a thawk rim thin.
24. Aw LALPA, i thiltihte chu a va tam em! Finnain i siam vek a ni: Leilung hi i hausaknain a khat a nih hi.
25. Sawta saw tuifinriat a awm, nasa tak, zau tak mai chu, Saw mi-ah sawn thil bawkvaka kal chhiar sen loh a awm a, Sa te leh sa liante chu.
26. Sawta saw lawngpuite a kal saw; Sawtah sawn Liviathan a awm, a chhunga inkhel tura i siamna chu.
27. Chung zawng zawng chuan an nghak theuh che a ni, A hun taka an chaw i pek theih thinna turin.
28. Anmahni i pek an chhar thin a; I kut i phar a, thatnain an tlai thin.
29. I hmai i thup a, an mangang thin a; An thaw chu i laksak a, an thi a,
30. An vaivutah chuan an kir leh thin. I thlarau chu i tir chhuak a, siamin an awm thin a; Lei chung pawh hi i siam thar leh thin.
31. LALPA ropuina chu kumkhuain awm se la; LALPA ch a thiltihahte chuan hlim rawh se:
32. Ani chuan lei hi a en a, a khur thin a; Tlangte chu a khawih a, a khu chhuak thin.
33. Ka dam chhung zawngin LALPA chawimawiin hla ka sa ang a: Ka nun chhung zawngin ka Pathian fakin ka zai ang.
34. Ka ngaihtuahna hi a tan thlum ak ni rawh se; Kei chu LALPA-ah chuan ka hlim ang.Mi sualte chu lei atang hian tihboralin awm se la, Mi suaksualte chu awm tawh suh se. Aw ka nuna, LALPA chu fak rawh. LALPA chu fak rawh u.
35. Mi sualte chu lei atang hian tihboralin awm se la, Mi suaksualte chu awm tawh suh se. Aw ka nuna, LALPA chu fak rawh. LALPA chu fak rawh u.
←  Psalms (104/150)  →