←  Psalms (102/150)  →
1. Aw LALPA, ka tawngtaina hi ngaithla la, Ka au thawm hi i hnen thleng rawh se.
2. Ka mangan niah ka lakah hian i hmai thup suh la: Ka lamah hian i beng rawn dawh la; Ka koh hun che chuan mi chhang thuai ang che.
3. Ka dam chhung nite hi meikhu angin a zam ral a, Ka ruhte hi thingthu angin a sa a.
4. Ka thinlung hi hlobet anga em hlumin a awm a, a vuai zo ta; Chaw ei pawh ka theihnghilh si a.
5. Ka rum thawm avangin Ka ruhte hi ka tisaah a bet tlat a ni.
6. Thlaler tuivalawng ang ka nia; Khaw ram chhimbuk ang mai ka lo ni ta.
7. Ka meng reng a, Chawngzawng, in chunga amah chauh va awm ang ka lo ni ta.
8. Mi dotute chuan nilengin mi sawichhe thin a; Ka chunga kawlhte chuan keimah anga awm turin anchhia na lawh thin.
9. Vut hi chaw nagin ka ei a, Ka in tur chu mittui nen ka pawlh ta si a,
10. I lungnih loh em em leh i thinur avangin: Nangin mi la kang a, mi paih bo ta si a.
11. Ka dam chhung nite hi tlai hlim ral lam tung tawh ang a ni a; Hlobet angin ka vuai ta a.
12. Aw LALPA, ang erawh chu kumkhuain i awm ang a; Nangmah hriat rengna pawh chhuan zawng zawng thlengin a awm bawk ang.
13. I tho ang a, Zion tlang chu i khawngaih ang: Ani chu khawngaih a hun tawh si a, a ni, hun ruat chu a tlang ta.
14. I chhiahhlawhte chuan a lungte chu an ngainain, A vaivut pawh an khawngaih si a.
15. Chutichuan hnam tinin LALPA hming chu an tih ang a, Leia lal zawng zawng chuan i ropuina chuan tih bawk ang.
16. LALPA chuan Zion khua chu a din leh ta si a, A ropuinaa intuamin alang ta a;
17. Pachhiate tawngtaina ch angaihsak a, An tawngtaina chu ahmusit lo.
18. Chu chu thangthar lo la awm tur tan chuan ziak ani ang a: Hnam siama lo la awm tur chuan LALPA chu an fak ang.
19. Ani chuan ahmun thianghlim sang tak atangin a zuk en a; LALPA chuan van atang khian lei hi a hmu a;
20. Mi tang rum chu ngaithla tur leh, Thi tura ruatte chu phelh turin;
21. ,22 LALPA rawngbawl tura Mi tin, leh ram tin, an inkhawm huna, Miten LALPA hming chu Zion khuaa na hrilh theih a, A fakna thu chu Jerusalem khuaa an hrilh theih nan.
22. ,21 LALPA rawngbawl tura Mi tin, leh ram tin, an inkhawm huna, Miten LALPA hming chu Zion khuaa na hrilh theih a, A fakna thu chu Jerusalem khuaa an hrilh theih nan.
23. Ani chuan kawng lakah hian ka tha a tithum a; Ka dam chhng hi a titawi a.
24. "Aw ka Pathian, ka vanglai niahte hian mi la bo suh ang che," ka ti a: Nanga kumte chu chhuan awm chhung zawng zawngin a awm ang.
25. Leilung nghahchhan chu hmasanga i phum tawh ani a; Vante pawh i kut chhuak a ni.
26. Chungte chu a la boral ang a, nang erawh chu i awm reng ang: A ni, chung zawng zawngte chu silhfen angin a la hlui ang a; Puan angin i thlak ang a, a lo danglam tawh ang:
27. Nang erawh chu i pangngai fo a, I kumte chuan ral ni reng a nei lo ang.I chhiahhlawhte fate chu an awm reng ang a, An thlahte chu i hmaah tihnghehin an awm ang.
28. I chhiahhlawhte fate chu an awm reng ang a, An thlahte chu i hmaah tihnghehin an awm ang.
←  Psalms (102/150)  →