← Proverbs (6/31) → |
1. | Ka fapa, i thenawm tana mawhphurtua i lo tan a, ram dang mi vuakna'na i kut i hman chuan, |
2. | I tawngka chhuakah i awk a, i tawngka chhuakin a man che a ni: |
3. | Ka fapa, i thenawm kutah i awm tih inhriain hei hi ti la, intichhuak rawh; kal la, intihuai la, i thenawm chu luh ngut ngut rawh. |
4. | I mit chu muthilhtir suh la, i mit chu muthluktir hek suh. |
5. | Sa peltu laka sakhi a tlan chhuak ang leh sava vehtu laka sava a thlawk chhuak angin intichhuak rawh. |
6. | Nang, thatchhepa, fanghmir tih dante chhut la, fing rawh; |
7. | Anni chuan lal te, hotute, roreltute nei loin |
8. | Nipuiah chaw an chhek khawm a, a seng hunin an ei turte an seng khawm thin. |
9. | Aw, thatchhepa, eng chen nge i mut dawn? Eng tikah nge i muhil chu i thawh dawn? |
10. | I duh chuan mu hlek la, chhing hlek rawh, kut kuangkuahin chawl hlek teh, |
11. | I mut hlanin i rethei hman ang a, tlakchhamnain sipai angin a rawn nang thut ang che, |
12. | Mi tlaktlai lo, mi khawlo chu, tawng chaltlai nen a vak vel a; |
13. | A mit a siai a, a kein thu a sawi a, a kut zungtangin a zaizir thin. |
14. | A thinlungah luhlulna a awm a, thil sual a suangtuah reng a, inrem lohna a tuh thin. |
15. | Chuvangin a chhiatna a lo thleng thut ang a, vawilehkhatah tihchhiatin a awm ang a, tihthat leh theih tawh lohin. |
16. | Thil paruk LALPA'n a huat thin a awm a, a ni, pasarih a tenzawng tak a awm; |
17. | Mit chapo te, lei daw thei te, pawi khawih lo thisen chhuahna kut te, |
18. | Thil tha lo suangtuah thin thunlung te, pawi khawih tura ngalchak te; |
19. | Hretu der dawt sawi thin te, unau kara inrem lohna tuhtute hi. |
20. | Ka fapa, i pa thupek chu zawm la, i nu zirtirna chu hawisan suh. |
21. | I thinlungah thlung reng la, i nghawngah awrh rawh. |
22. | I vah velin a hruai ang chia, i mut hunin a veng ang chia, i thawh hunin a bia ang che. |
23. | Thupek chu khawnvar a ni a, dan chu eng a ni si a; tin, zirtirna zilhhauhna chu nunna kawng a ni; |
24. | Hmeichhe khawlo lakah leh hmeichhe sual kam thlum lakah veng tur chein |
25. | I thinlungin a mawina it suh la, a mitmeng noin hip che suh se, |
26. | Nawhchizuarnu vangin pa chhang themah a chang a, uirenu chuan nunna hlu tak a zawng thin. |
27. | Mi a puan kang loin mei a pawm thei em ni? |
28. | Mi a ke kang loin meiling a rap thei em ni? |
29. | Chutichuan mi a thenawm nupui hnena kal a, tupawh amah va khawih chu hrem lohin a chhuak lo ang. |
30. | Miin a riltam tihrehna'na ruk a ruk chuan an hmusit thin lo a; |
31. | Nimahsela an hmuh chhuah chuan a lehsarihin a rul ang; a ina a sum zawng zawng a pe ang. |
32. | Mi nu uiretu chuan hriatna a nei lo a ni, ama nunna tiche tur thil a ti a ni, |
33. | Hliam a tuarin a hminghliau ang a, a hming a chhe hlen bawk ang. |
34. | Thikthuchhiatna chu mipa thinrimna a ni a, phuba lak ni chuan a zuah lo ang.Tlanna chu engahmah a ngai lo ang a; thilpek tam tak pe mah la, a lung a awi chuang lo ang. |
35. | Tlanna chu engahmah a ngai lo ang a; thilpek tam tak pe mah la, a lung a awi chuang lo ang. |
← Proverbs (6/31) → |