←  Proverbs (24/31)  →
1. Mi sualte awt suh la, an zinga tel chak hek suh.
2. An thinlungin hnehchhiahna an zir a, an hmuiin pawikhawih lam thu mawlh an sawi thin a ni.
3. Finna in chu sak ani a, hriatthiamnain tihngheh a ni.
4. Tin, hriatna avangi pindan chu sum hlu tak leh duhawm taka tihkhahin a awm.
5. Chakna aiin finna a tha a, awmkhauh aiin hriatthiamna.
6. Bei hmain ngun taka ral rel a tha, rem i hriat poh leh i chak zawk ang.
7. Mi a tan finna chu a sang lutuk a, kulh kawngkaah a ka a ang lo.
8. Thil tha lo ti tura remruat thin chu mite'n pawikhawih hmang an ti ang.
9. Mi a ngaihtuahna chu sual a ni a, tin, mi hmusit ching mi chu mihring tan tenawm an ni.
10. Mangan nia i chauh mai chuan i chakna a bei tham a ni.
11. Thi tura hruaite chu chhan chhuak la. Thah mai turte chu chhan chhuak thuai rawh.
12. Ngai teh hei chu ka hre lo i tih mai chuan, Thinlung buktu chuan a ngaihtuah dawn lo'm ni? I nunna vawngtu chuan a hre dawn lo'm ni? Mi tin, an thiltih ang zelin a rul dawn lo'm ni?
13. Ka fapa, khawizu in rawh, a tha si a, khawithlar i kaa tui tak chu.
14. Tichuan i nunna atan finna chu chutiang a ni tih i hria ang a; Tin, i hmuh chuan lawmman a awm ang a, i beisei chu tihbo a ni lo ang.
15. Aw, mi suaksualpa, mi felte awmna chu chang suh.
16. Mi fel chu vawi sarih tlu mah se la, a tho leh zel thin; a awmna chu tihchhiatsak suh.
17. I hmelma a tlukin lawm suh la, tihtlawma a awm in i rilru lawm suh se;
18. Chutilochuan LALPA'n a hmu ang a, a lawm lo ang a, a laka a thinrim a lamlet dah ang e.
19. Thil tha lo titute avangin intilungngai duh suh la, mi suaksual awt hek suh.
20. Mi sual tan chuan lawmman a awm dawn si lo a, mi suaksual khawnvar chu tihmih a ni dawn si a.
21. Ka fapa, LALPA leh lal chu tih la, rilru danglam pu mite chu pawl suh;
22. An chhiatna a lo thleng thut ang a, an boral kumte chu tu nge hria?
23. He'ngte pawh hi mi fing thu sawi a ni, rorelnaa mi zahzawng neih hi a tha lo a ni.
24. Mi suaksual hnenah, I fel e, titu chu mi tinin anchhia an lawh an ang a, hnam tinin an hua ang a;
25. A zilhhautute erawh chu an hlim ang a, an chungah malsawmna tha tak a lo thleng ang.
26. Dik taka chhangtu chu thian tha a ni.
27. Pawn lam thil buatsaih la, lo lamah inpeih diam la, chu mi zawhah i in sa rawh.
28. A vang awm loin i thenawmte chungchang thu-ah hretu ni suh la, i kain bum bawk suh.
29. Ka chunga a tih angin a chungah ka ti ang a, a thawh dan ang zelin ka pe ang, ti suh.
30. Mi thatchhe loah ka kal a, hriatna nei lo mi grep huanah nen.
31. Ngai teh, hlingin a hnim phui chuk mai a, a chhung zawng zawng chu taitenin a phui chuk mai a, a hungna lungpalte chu a chim vek a.
32. Tichuan ka en reng a, ngun takin ka ngaihtuah ta a, a mi zirtir chu ka hmu a, ka pawm ta a.
33. I duh chuan mu hlek la, chhing hlek rawh, kut kuangkuaihin chawl hlek teh.I mut hlanin i rethei hman ang a, tlakchhamnain sipai angin a nang thut ang che.
34. I mut hlanin i rethei hman ang a, tlakchhamnain sipai angin a nang thut ang che.
←  Proverbs (24/31)  →