← Proverbs (2/31) → |
1. | Ka fapa, ka thute i dawn a, ka thupekte i khawl khawm a, |
2. | Finna lama i beng i chhit a, i thinlung hriatna lam atan i pek chuan; |
3. | A ni, hriatna i auh a, hriatthiam theihna pawh i auh chuan, |
4. | Tangkarua anga i zawn a, ro phum ruk anga i zawn chuan, |
5. | LALPA tih nachang i lo hria ang a, Pathian hriatna chu i chhar chhuak ang. |
6. | LALPA chuan finna a pe thin a, a kaa tang chuan finna leh hriatthiamna a lo chhuak thin a ni: |
7. | Mi tluangte tan finna dik a chhek khawm thin a, rinawm taka awm thinte tan phaw a ni; |
8. | Rorelna kawngte a ven a, a mi thianghlimte kawng a vawn that theihna'n. |
9. | Tichuan felna leh rorelna chu i lo hre thiam ang a, hleih neih lohna nen, a ni, kawng tha tinreng pawh. |
10. | I thinlungah finna chu a lut ang a, i nunna atan hriatna chu tui tak a n ang; |
11. | Remhriatnain a veng ang chia, hriatthiamnain a enkawl ang che; |
12. | Sual kawng ata chhan chuak tur che leh thil awihawm lo sawi mite laka chhanchhuak tur chein; |
13. | Chu'ngte chuan kawng thima kal turin kawng dik chu an kalsan a; |
14. | Thil tha lo tih chu an lawmzawng a ni a, thil sual bengtla lo mai maiahte an lawm thin; |
15. | An kawngte chu a kawi a, an rintlak loh. |
16. | Hmeichhe sual lakah chuan a chhan ang che, kam thluma thlemtu che lakah; |
17. | A tleirawl lai thian kalsan a, a Pathian thuthlung theihnghilhtu lak ata chu. |
18. | A in chuan thihna lam a hawi a, a kawngte chuan mitthi lam. |
19. | A hnena kal reng reng chu an kir leh tawh ngia lo a, nunna kawng an pawh ngai hek lo; |
20. | Mi tha kawng i zawh a, mi fel kawng chu i zawh zel theihna'n. |
21. | Mi tluangte chu leilungah hian an cheng ang a, tha famkimte chu chutah chuan an awm reng a;Mi suaksualte erawh chu leilung ata tihboral an ni ang a, vervek taka titute chu tihboral phiar an ni ang. |
22. | Mi suaksualte erawh chu leilung ata tihboral an ni ang a, vervek taka titute chu tihboral phiar an ni ang. |
← Proverbs (2/31) → |