← Proverbs (14/31) → |
1. | Hmeichhe fing zawng zawngin in an sa a, a a erawh chuan anmahni kut ngeiin an thiat thin. |
2. | Dik taka awm mi chuan LALPA a tih a, mi tihmawh erawh chuan a hmusit a ni. |
3. | Mi a kaah chuan chapona tiang a awm a, mi fingte ka erawh chuan anmahni a hum thin. |
4. | Bawngpa awm lohnaah chuan bawng chaw dahna a fai thin a; amaherawhchu pun hle-na chu bawngpa thahruiah a awm. |
5. | Hretu dik chu a daw lo ang a, hretu dik lo erawh chuan dawt a phuh chhuak thin. |
6. | Hmusit ching mi chuan finna a zawng a, a hmu thin lo a; hriatthiamna neitu tan erawh chuan fina hi awlsam tak a ni. |
7. | Mi a hnen ata chu kal chhuak rawh, amahah chuan hriatna ka i hmu lo ang. |
8. | Remhre finna chu mahni awm dan hriat hi a ni a, mi ate atna erawh chu bumna a ni. |
9. | Mi ate chuan thiam loh channa hi an ngai lelo a, mi dik zingah erawh chuan duhsakna tha a awm, |
10. | Mahni lungngaihna mahni chau hriat ani a, a lawmna pawh mi dangin an hriatpui lo. |
11. | Mi suaksual in chu tihchhiat a ni ang a, mi dik puan in erawh chu a vul ang. |
12. | Mi ngaiha kawng dik ni awm taka lang, a tawp chu thihna kawng ni si a awm. |
13. | Nuihnaah pawh rilru lungngaihna a awm a, hlim tawpna chu rihna a ni. |
14. | Thinlunga hnungtawlh mi chu ama duh danin a khat ang a; mi tha chu amah leh amah a intilungawi ang. |
15. | Mi mawl chuan thu tin a ring a, mi remhria erawh chuan a kalna a en tha thin. |
16. | Mi fing chuan a hlauthawng a, sual a kalsan thin a; mi a erawh chu a intihuai a, mahni a inring thin. |
17. | Thinram mi chuan atthlak takin thil a ti ang a; tin, thil sual suangtuah hmang mi chu huat a ni. |
18. | Mi mawl chuan atna an rochung a, mi remhria erawh chuan hriatna khumtirin a awm. |
19. | Sual chu mi tha hmaah a kun a, mi suaksual chu mi fel kawngka bulah. |
20. | Mi rethei chu a thenawmte ngei pawhin an hua a, mi hausa erawh chuan thian tam tak an nei. |
21. | Tupawh thenawmte hmusit chuan thil a tisual a ni; mi rethei lainattu erawh chu a eng a thawl e. |
22. | Thil tha lo suangtuahtute chuan an tisual a ni lo'm ni? Thil tha suangtuah mi-ah erawh chuan zahngaihna leh thutak a awm ang. |
23. | Thawhrimna zawng zawngah hian hlawkna a awm a, kaa sawi mai mai erawh chuan tlakranna mai a thlen a ni. |
24. | Mi fing lallukhum chu a sum ani a, mi ate atna chu atna ngawt a ni. |
25. | Hretu dik chuan mite a chhanchhuak a, dawt chhak chhuak mi chuan bumna a tichhuak thin. |
26. | LALPA tihnaah chuan rina chak tak a awm a, a fate chuan inhumhimna hmun an nei ang. |
27. | LALPA tihna chu nunna tuikhur a ni. Thihna thang hawisanna turin. |
28. | Mipui tamnaah chuan lal ropuina a awm a, mi tlemnaah erawh chuan lal fapa boralna a awm. |
29. | Thinur har mi chu finna nasa tak nei mi a ni a, mi ti thawt thawt erawh chuan atna a chawimawi. |
30. | Rilru dam chu tisa nuna a ni a, itsikna erawh chu ruh mawihna a ni. |
31. | Mi rethei hnehchiahtu chu a siamtu hnehchhiah a ni a, tlachhamte khawngaihtu chuan a chawimawi a ni. |
32. | Mi suaksual chu a thiltih sualah chuan theh luh a ni a, mi fel erawh chuan a thihnaah nghahfak a nei. |
33. | Ngaihthiamna nei mi thinlungah chuan finna a cheng thin a. Mi a chhung lama awm erawh chu a lang sa reng. |
34. | Felnain hnam a chawimawi a, sualna erawh chu hnam tin, tan hmingchhiatna a ni.Lal duhsakna chu fing taka titu chhiahhlawh chungah a awm a, a thinurna erawh chu mualphona thlentu chungah a awm ang. |
35. | Lal duhsakna chu fing taka titu chhiahhlawh chungah a awm a, a thinurna erawh chu mualphona thlentu chungah a awm ang. |
← Proverbs (14/31) → |