←  Proverbs (12/31)  →
1. Thunnuna ngaina mi chuan hriatna a ngaina thin a, zilhhauna haw mi erawh chu ramsa ang mai a ni.
2. Mi tha chuan LALPA duhsakna a hlawh ang a, suahsualna rilru pu mi erawh chu thiam loh a chantir ang.
3. Mihring chu suahsualnain tihngheh ani lo ang a, amaherawhchu mi fel dinhmun chu a nghing lo ang.
4. Hmeichhe khawsak tha chu a pasal tan lallukhum a ni a, zahpuiawm tak thil ti erawh chu a ruh timawihtu a ni.
5. Mi fel ngaihtuahnate chu a fel a, mi suaksualte remruat erawh chu bumna a ni.
6. Mi suaksual tawngkam chu thisen chhuah tura channa a ni a, mi dik tak ka erawh chuan anmahni a chhan chhuak ang.
7. Mi suaksualte chu paih thlakin an awm a, an bo thin a, mi fel chhung erawh chu an awm reng ang,
8. Mi a fin dan ang zela fakin a awm ang a, mi luhlul erawh chu hmuhsit a ni ang.
9. Mahni inngaihlua chhang pawh nei si lo ai chuan, tuma ngaihsan loh chhiahhlawh nei chu a tha zawk.
10. Mi fel chuan a ran nuna a engto a, nimahsela mi suaksual zahngaihna nem ber pawh hi a rawng a ni.
11. A lei lettu chuan chhang a ngah ang a, mi lelo tih dan zawmtu chu finna nei lo mi a ni.
12. Mi suaksualte chuan mi tha lote len an duh a, mi felte bul erawh chuan rah an chhuah thin.
13. Mi sual chu ama hmuia chhuak ngeiin a awk thin a, mi felte erawh chuan buaina an pumpelh.
14. Miin a tawngkam chhuak rah chu a seng ang a, ama kut thiltih ngei chu a hnena hlan a ni ang.
15. Mi a kawng chu ama mitah chuan a dik a, mi fing erawh chuan rorel an ngaichang thin.
16. Mi a buaina chu a lang nghal a, mi fing erawh chuan mualphona a thup thin.
17. Thu dik sawi chuan felna a entir a, hretu dik lo erawh chuan bumna.
18. Khandaih chhun anga na taka mi chhun thu sawi an awm a, mi fing lei erawh chu damna a ni.
19. Thu tak hmui chu kumkhuain tihngheh a ni ang a, lei dawthei erawh chu rei lo tea tan chauh a ni.
20. Thil tha lo suangtuahtue thinlungah chuan buymna a wm a, remna roreltute pawh chuan lawmna an nei.
21. Mi felte chungah chuan pawi khawihna a thleng lo ang a, mi suaksualte erawh chu thl tha loin an khat ang.
22. Hmui dawthei hi LALPA tenzawng tak ani a, dik taka titute erawh chu a lawmzawng an ni.
23. Mi fing chuan fina a thup a. Mi a thinlung erawh chuan atna a puang.
24. Mi taima kut chuan rorelna a keng ang a, mi thatchhia erawh chu hna rim tak thawk tura tih a ni ang.
25. Lungkham neih hian mi a tihrehawm a, thu tha erawh chuan mi a tilawm thin.
26. Mi fel chu a thenawm tan hruaitu a ni a. Mi suaksualte kawng erawh chuan bona a thlensak thin.
27. Mi thatchhia chuan ramvaka a kah rawh tur a nei lo. Mihring sum hlu chu taihmak a ni.Felna kawngah chuan nunna a awm a, chu mi kawngah chuan thihna a awm lo.
28. Felna kawngah chuan nunna a awm a, chu mi kawngah chuan thihna a awm lo.
←  Proverbs (12/31)  →