Proverbs (1/31) → |
1. | Israel lal Davida fapa Solomona thufing; |
2. | Finna leh zirtirna, hriat theihna tur te, hriatthiamna thu ngaihruat dan thiamna te; |
3. | Felna te, rorel te, hleih nei loa hmang hre taka zirtirna pawm dan thiamna te; |
4. | Mi mawlte remhriatna neihtir tur te, tlangvalte hriatna leh ngaihruat thiamna neihtirna tur leh |
5. | Mi fingten an hriat a, an thiamna te a lo pun a, thil ngai thiam miin rorelna fingte a man a man thiamna tur te, |
6. | Thufing leh a hrilhfiana te, mi fing thu leh an thuril sawite hriatthiamnate chu. |
7. | LALPA tih hi finna bul a ni a; nimahsela mi ate chuan finna leh zirtirna an hmusit thin. |
8. | Ka fapa, i pa zirtirna che chu ngaithla la, i nu zirtirna che chu hawisan suh. |
9. | I lu tan parthi mawi tak a ni ang a, i nghawng tan thi ang a ni dawn si a. |
10. | Ka fapa, mi sualin an thlem che chuan zawm suh. |
11. | "Hawh te, thisen chhuah turin i chang ang khai, a vang engmah awm loin pawi khawih lote chu i chang ru teh ang; |
12. | Seol angin a nung chungin i lem teh ang, an puma khuarkhuruma tla angin. |
13. | Thil hlu tak takte kan nei ang a, rallak sumin kan in kan tikhat dawn nia. |
14. | Kan zingah lo tel ve la, tangka ip kan intawm dawn nia," te an tihin, |
15. | Ka fapa, an zingah chuan tel ve suh la, an kawng ata inthiarfihlim rawh. |
16. | An kete chu thil sual lamah an tlan a, thisen chauh turin an hmanhmawh ruai thin. |
17. | Len chu a lo thlawn maia zar a ni, eng sava mithmuhah pawh. |
18. | Chungte chuan anmahni thisen an chang a, an nunna chang ru an ni. |
19. | Chutiang chu a ni, hlawknaa duham apiangte kawng chu; a neitute nun a laksak thin. |
20. | Kawtthlerah finna chu ring takin a au a, kawtthler thuamahte chuan a aw a chhuah a; |
21. | Mipui inkhawmna lai berah a au a, khawpuiah khaw luhna kawngkhar bulah chuan a au chhuak a. |
22. | Nangni mi mawlte u, eng chen nge mawlna in ngainat dawn? Eng chen nge hmusittute hmuhsitnaah in hlim ang a, mi ate'n finna in huat dawn? |
23. | Ka zilhna che u lamah hian lo hawi rawh u: ngai teh u, in chungah ka thlarau ka leih ang a, ka thu ka hriattir ang che u. |
24. | Ka ko che u a, in duh lo a, ka kut ka phar a, tuma'n in ngaisang lo a; |
25. | Ka remruat zawng zawng chu engmah loah in ngai zawk a, ka zilhna reng reng in pawm duh lo a. |
26. | Chuvangin kei pawh in vanduai ni chuan ka nui ang a, in hlauh hun a lo thlen chuan ka nuihsan ang che u, |
27. | In hlauhna thlipui anga a lo thlen a, in vanduaina thawngaleivir anga a lo thlen a, hrehawmna leh manganna in chunga a lo thlen hunin. |
28. | Chutichuan min ko ang a, nimahsela ka chhang lo ang: zing takah min zawng ang a, nimahsela min hmu lo ang; |
29. | hriatna chu an huat a, LALPA tihna chu an thlan loh avangin: |
30. | Ka remruat pakhat te mah an duh lo a, ka zilhna zawng zawngte chu an ngainep a. |
31. | Chuvangin anmahni kawng rah chu an ei ang a, anmahni suangtuahnain an tlai ang. |
32. | Mi mawlte hnungtawlhna chuan anmahni a that ang a, mi ate hlawhtlinnain anmahni a tiboral ang.Ka thu pawm apiangte erawh chu him takin an awm ang a, thil tha lo hlau loin an awm hle hle ang. |
33. | Ka thu pawm apiangte erawh chu him takin an awm ang a, thil tha lo hlau loin an awm hle hle ang. |
Proverbs (1/31) → |