←  Numbers (31/36)  →
1. Tin, LALPA'n Mosia'n a bia a,
2. "Midia-ho chungah Israela thlahte phuba la rawh: chu mi zawhah chuan i chipuite hnenah hruai i ni tawh ang," tiin.
3. Tichuan Mosia chuan mipuite chu a bia a, "Midia-ho chunga LALPA phuba lana hlen tura Midia-ho beia indo turin ain zinga mi inralthuam rawh se.
4. Israeel hnam zawng zawng zinga hnam tina mi sangkhat zel indonaah in kaltir tur a ni." tiin.
5. Chutichuan Israel-ho sang tam tak zing ata, hnam tin, atangin 1,000 theuh, indonaa kal turin sipai 12,000 an theh chhuak a.
6. Tichuan Mosia'n chi tin, zinga mi 1,000 theuh leh puithiam Eleazara fapa Phinehasa hmun thianghlim bungbel te, thupek velna'na tawtawrawt te kengin indonaah akaltir a.
7. Tin, LALPA'n Mosia thu a pek angin Midia ho an do a; mipa zawng zawng an that vek a.
8. An mi thahte zingah chuan Midia ho lalte pawh an tel a; Midia-ho lal panga, Evia te, Rekema te, Zura te, Hura te, Reba te chu: Beora fapa Balaama pawh khandaihin an that a.
9. Tin, Israela thlahe chuan Midia-ho nunaute salah an hruai a; tin, an ram zawng zawng te, an beram rual zawng zawng te, an bungrua zawng zawngte chu rallak sum atan an la a.
10. An awmna khua zawng zawng te, an riahhmun zawng zawngte an hal vek a.
11. Tin, mihring leh ran, sal leh rallak sum zawng zawng an kalpui vek a.
12. Tin, sal te, man te, ral lak sumte chu Mosia leh puithiam Eleazara leh Israela thlah pungkhawmho hnenah, Jeriko zawn Jordan kam Moab phaia an riahmunah chuan an rawn thlen a.
13. Tin, Mosia leh puithiam Eleazara leh pungkhawmho puipa zawng zawngte chuan daiah an lo a hmuak a.
14. Tin, Mosia chu sipai hotu, sang chunga hotute leh za chunga hotu te, indona atanga lo hawte chungah chuan a thinur a.
15. Tichuan Mosia'n an hnenah, "Hmeichhia chu damin in la zuah vek maw?
16. Ngai teh u, Balaama remruat chuan Peor chungchang thu-ah Israela thlahte chu LALPA chunga bawhchhiatna tithlengtue chu he'ng hi an ni, LALPA mi pungkhawmho zingah chuan hri a lo len tak kha.
17. Chuvangin naupang zinga mipa zawng zawng chu that u la, hmeichhia mi pawl tawh zawng zawng that bawk rawh u.
18. Hmeichhe naupang mi la pawl loh zawng zawng erawh chu in tan zuah rawh u.
19. Tin, daiah ni sarih riak u la, tupawh mi that leh mitthi khawih apiangte chu ni thum ni leh ni sarih niin inthian rawh u, nangmahni leh in salte pawh.
20. Tin, thuamhnaw reng reng leh savuant hil siam zawng zawng te, kel hmula thil siam zawng zawng te, thinga thil siam zawng zawng thu-ah chuan in inthian tur a ni," a ti a.
21. Tin, puithiam Eleazara chuan indonaa kal indo mite hnenah chuan, " Hei hi LALPA'n Mosia thu a pek dan thuruat chu a ni:
22. engpawh ni se la rangkachak te, tangkarua te, dar te, thir te, rangva te, suan te,
23. engpawh meia hlaa chhe thei lo apiangte chu meiah in thawlh tlang ang a, tichuan a lo thianghlim ang: engpawh ni se la, tlenfaina tuiin tihthianghlim tur a ni: tin, meia hal tuar thei lo apiang chu tuiah in thawlh tlang tur a ni.
24. Tin, a ni sarih niin in puan in su ang a, tin, tin, lo thianghlim ang a, chu mi zawhah chuan riahhmunah in lo lut dawn nia," a ti a.
25. Tin, LALPA'n Mosia a bia a,
26. "Nang nen, puithiam Eleazara nen, pungkhawmho chhungkaw puipate nen rallak suma an lak m ihring leh rante chu chhiar vek u la;
27. tin, rallak sum chu hmun hnihah then u la, indonaa kal indo mite tan leh punghote tan;
28. tin, indonaa kalho chan atanga chuan mihring te, bawng te, sabengtung te, beram te, thil nung zang zawng zanga zelah pakhat LALPA hnenah chhiah pek tur tihhransak rawh.
29. Chung chu la u la, LALPA tana then t hilhlanah puithiam Eleazara pe rawh u.
30. Tin, a chanve Israela tlahte pual chu sawmnga ata pakhat tihrang zel la, mihring atang te, bawng atang te, sabengtung atang te, beram rual atang te, ran rual atang tein; tin, chung chu LALPA biak buk enkawltu Levi-hote pe rawh," a ti a.
31. Tichuan LALPA'n Mosia thu a pek ang chuan Mosia leh puithiam Eleazara chuan an ti a.
32. Sipaiten an man rallak sum tiam lohin an lak chu beram 6,75,000
33. bawng 72,000
34. sabengtung 61,000
35. mihring chu hmeichhia, mipa la pawl ngai loh 32,000 an ni a.
36. Tin, a chanve, indonaa kalte chanvo chu, beram 3,37,500 ani a.
37. tin, LALPA chhiah beram chu 675.
38. Tin, bawng chu 36,000 ani a; chu mia LALPA chhiah chu 72 a ni a.
39. Tin, sabengtung chu 3,500 ani a; chu mia LALPA chhiah chu 61 a ni.
40. Tin, mihring chu 16,000 an ni a; chu mia LALPA chhiah chu mi 32 an ni.
41. Tin, LALPA'n Mosia thu apek angin chhiah, LALPA then thilhlan chu Mosia'n puithiam Eleazara a pe a.
42. Tin, Mosia'n ral kap mite an chanvo a pek zawh a, Israelho chanvo chu,
43. beram 3,37,500
44. bawng 36,000
45. sabengtung 30,500 mihring 16,000
46. Israel hoin an chan atang chuan Mosia chuan mihring leh ran sawmnga zelah pakhat a la a.
47. LALPA thupek angin LALPA biak buk enkawltu Levi-ho a pe a.
48. Tin, sipaite chunga hotu te, za chunga hotu te chuan Mosia an va hnaih a.
49. Mosia hnenah, "I chhiahhlawhte hian kan kuta awm indo mite chu kan chhiar a, tumah kim lo kan awm lo a.
50. Tin, kan nuna atan LALPA hmaa inremna siamna turin LALPA tana thilhlan miin an neihzawng rangkachaka siam cheimawi thuam, kebun te, banbun te, hming nemna zungbun te, bengbeh te, thi te kan rawn la e," an ti a.
51. Tin, Mosia leh puithiam Eleazara chuan rangkachaka siam an thuam zawng zawng chu an lo la a.
52. Sang chunga hotu leh za chunga hotute rangkachak LALPA hnena then thilhlana an hlan zawng zang chu sekel 16,750 a ni.
53. (Ralkap mite chu an rallak sum chu mahni tan theuha la an ni a.)Tin, Mosia leh puithiam Eleazara chuan sang chunga hotu leh za chunga hotute rangkachak chu an la a, Israela thlahte hriatrengna atan inbiakna puan inah LALPA hmaah an rawn la a.
54. Tin, Mosia leh puithiam Eleazara chuan sang chunga hotu leh za chunga hotute rangkachak chu an la a, Israela thlahte hriatrengna atan inbiakna puan inah LALPA hmaah an rawn la a.
←  Numbers (31/36)  →