←  Numbers (29/36)  →

---

1.

Tin, thla sarihna a ni khat ni chuan inkhawmpui thianghlim in nei ang a: eng hna mah in thawk tur ani lo: in tan tawtawrawt ham ni a ni tur a ni.

2.

LALPA tnaa rimtuiah halral thilhlan in hlan ang a; bawngpa tir pakhat, beram pa pakhat, beram no a pa kum khat mi sawisel bo pasarih;

3.

an chhangphut thilhlan, chhangphut dip mi hriaka chawhpawlh, bawngpa pakhatah hmun sawma thena hmun thum, berampa pakhatah hmun sawma thena hmun hnih,

4.

beram no pasarih, pakhat theuhvah hmun sawma thena hmun khat:

5.

in tana inremna siamna'n sual thawina kelpa pakhat nen:

6.

thla thar halral thilhlan leh chu mia chhangphut thilhlan te, halral thilhlan hlan reng leh chu mia chhangphut thilhlan te, in tur thilhlan te, an tih dan pangngai LALPA tana rimtuia meia thilhlante tiam lohin.

7.

Tin, he mi thla sarihna, ni sawm ni hian inkhawmpui thianghlim in nei ang a: chaw in nghei tur a ni, eng hna mah in thawk tur ani lo;

8.

LALPA tana rimtuiah halral thilhlan erawh chu in hlan tur a ni; bawngpa pakhat, berampa pakhat, beram no a pa kum khat mi pasarih:

9.

in ngaiha sawisel bo ani tur aniL an chhangphut thilhlan, chhangphut dip mi hriaka chawhpawlh, bawngpa pakhatah hmun sawma thena hmun thum, berampa pakhatah hmun sawma thena hmun hnih,

10.

beram no pasarih, beram no pakhat theuhvah hmun sawma thena hmun khat:

11.

sual thawina'n kelpa pakhat nen: inremna tura sual thawina te, halral thilhlan hlan reng te, chu mia chhangphut leh an in tur thilhlante tiam lohin.

12.

Tin, thla sarihna, ni sawm leh ni nga niin inkhawmpui thianghlim in nei ang a; eng hna mah in thawk lo ang a, LALPA tan ni sarih in kut tur a ni:

13.

tin, LALPA tana rimtuiah meia thilhlan, halral thilhlan in hlan tur a ni: bawngpa tir sawm leh pathum, berampa pahnih beram no a pa kum khat mi sawm leh pali; sawisel bo theuh a ni tur a ni:

14.

an chhangphut thilhlan, chhangphut dip mi hriaka chawhpawlh, bawngpa sawm leh pathum, bawngpa pakhatah hmun sawma thena hmun thum, berampa pahnih, berampa pakhatah hmun sawma thena hmun hnih,

15.

beram no sawm leh pali, beram no pakhatah hmun sawma thena hmun khat:

16.

sual thawina'n kelpa pakhat nen; halral thilhlan hlan reng, chu mia chhangphut thilhaln te, in tur thilhlan te tiam lohin.

17.

Tin, a ni hnih niin bawngpa tir sawm leh pahnih, berampa pahnih, beram no a pa kum khat mi sawisel bo sawm leh pali in hlan tur a ni;

18.

an chhangphut thilhlan leh in tur thilhlan a dan ang takin an tam dan ang zelin bawngpa atan te, berampa atan te, beram no atan te:

19.

sual thawina'n kelpa pakhat nen halral thilhlan hlan reng te, chu mia chhangphut thilhaln te, in tur thilhlante tiam lohin.

20.

Tin, a ni thum ni chuan bawngpa sawm leh pakhat, berampa pahnih, beam no a pa kum khat mi sawisel bo sawm leh pali;

21.

an chhangphut thilhlan leh in tur thilhlan a dan ang takin an tam dan ang zelin bawngpa atan te, berampa atan te, beram no atan te:

22.

sual thawina'n kelpa pakhat nen; halral thilhlan hlan reng leh chu mia chhangphut thilhlan leh chu mia in tur thilhlan tiam lohin.

23.

Tin, a ni li ni chuan bawngpa sawm, berampa pahnih, beram no a pa kum khat mi sawisel bo sawm leh pali:

24.

an chhangphut thilhlan leh in tur thilhlan, a dan angt akin an tam dan ang zelin bawngpa atan te, berampa atan te, beram no atan te:

25.

sual thawina'n kelpa pakhat nen; halral thilhlan hlan reng te, chu mia chhangphut thilhlan leh in tur thilhlante tiam lohin.

26.

Tin, a ni nga ni chuan bawngpa pakua, berampa pahnih, beram no a pa kum khat mi sawisel bo sawm leh pali:

27.

an chhangphut thilhlan leh in tur thilhlan, a dan ang takin an tam dan ang zelin bawngpa atan te, berampa atan te, beram no atan te:

28.

sual thawina'n kelpa pakhat nen; halral thilhlan hlan reng te, chu mia chhangphut thilhlan leh in tur thilhlante tiam lohin.

29.

Tin, a ni ruk ni chuan bawngpa pariat, berampa pahnih, beram no a pa kum khat mi sawisel bo sawm leh pali:

30.

an chhangphut thilhlan leh in tur thilhlan, a dan ang takin an tam dan ang zelin bawngpa atan te, berampa atan te, beram no atan te:

31.

sual thawina'n kelpa pakhat nen; halral thilhlan hlan reng te, chu mia chhangphut thilhlan leh in tur thilhlante tiam lohin.

32.

Tin, a ni sarih ni chuan bawngpa pasarih, berampa pahnih, beram no a pa kum khat mi sawisel bo sawm leh pali:

33.

an chhangphut thilhlan leh in tur thilhlan, a dan ang takin an tam dan ang zelin bawngpa atan te, berampa atan te, beram no atan te:

34.

sual thawina'n kelpa pakhat nen; halral thilhlan hlan reng te, chu mia chhangphut thilhlan leh in tur thilhlante tiam lohin.

35.

Tin, a ni riat ni chuan inkhawmpui ropui tak in nei ang a: eng hna mah in thawk tur ani lo:

36.

LALPA tana rimtuiah meia thilhlan halral thilhlan erawh chu in hlan tur a ni: bawngpa pakhat, berampa pakhat, beram no a pa kum khat mi sawisel bo pasarih:

37.

an chhangphut thilhlan leh in tur thilhlan, bawngpa atan te, berampa atan te, beram no atan te, a dan ang takin an tam dan ang zelin,

38.

sual thawina'n kelpa pakhat nen; halral thilhlan hlan reng te, chu mia chhangphut thilhlan leh in tur thilhlante tiam lohin.

39.

In thutiam te, duhthua thilhlan te, in halral thilhlan te, in in tur tur thilhlan te, in remna thilhlante tiam lohin he'ng hi in hunbi nei kut niin LALPA hnenah inhlan tur a ni,' ti rawh" tiin.Tin, LALPA'n Mosia thu a pek zawng zawng chu Israela thlahte chu Mosia chuan a hrilh a.

40.

Tin, LALPA'n Mosia thu a pek zawng zawng chu Israela thlahte chu Mosia chuan a hrilh a.

---

←  Numbers (29/36)  →