←  Numbers (19/36)  →
1. Tin, LALPA'n Mosia leh Arona a bia a,
2. "Hei hi LALPA thupek dan chu a ni, 'Israela thlahte chu bawng la sen hmelhem lo, sawisel bo, nghawngkawl la bel hauh loh rawn kai turin hrilh rawh:
3. tin, puithiam Eleazara i pe ang a, tin, anin daipawnah a hruai chhuak ang a, a hmaah tuin emaw a tihlum tur a ni:
4. tin, puithiam Eleazara chuan a kut zungtangin a thisen chu ala ang a, inbiakna puan in hma lamah a thisen chu vawi sarih a theh ang a:
5. tin, tuin emaw bawng la chu a mithmuhah a hal ang a a vun te, a sa te, a thisen te, a ek te nen a hal ang a:
6. tin, puithiamin sidar thing leh husop leh lazai sen ala ang a, bawng la an halah chuan a paih lut tur a ni.
7. Tin, puithiam chu a silhfente a su ang a, a inbual ang a, chu mi zawhah chuan riahhmunah a kal ang a, tlai lam thlengin puithiam chu a thianghlim lo ang.
8. Tin, a haltu chuan a silhfente a su ang a, a inbual ang a, tlai lam thlengin a thianghlim lo ang.
9. Tin, mi bawrhbang loin bawngla vap chu a la khawm ang a, daipawn hmun faiah a dah ang a, Israela thlah mipuite tana inthenna tuiah hman tur a ni: chu chu sual thawina a ni.
10. Tin, bawngla vap tikhawmtu chuan a filhfente a su ang a, tlailam thlengin a thianghlim lo ang a: hei hi Israela tolahte tan leh hnam dang an hnena awmte tan kumkhaw dan tur a ni.
11. Tu ruang pawh a dektu apang chu ni sarih an thianghlim lo ang.
12. Chu mi chu ni thum niah a thian ang a, ni sarih niin a thianghlim ang; amaherawhchu, ni thum nia a inthen loh chuan ni sarih niah pawh a thiang lo ang.
13. Tupawhin tu ruang pawh a deh a, a inthen loh chuan LALPA bak buk a tibawlhhlawh a ni; chu mi chu Israel mite zing ata tuithlar tur a ni, inthenna tui chu a chungah theh loh a nih vangin a thianghlim lo ang: a thianghlim lohna chu a chhungah a la awm a ni.
14. Mi, puan ina a thih chuan hei hi a tih dan tur chu a ni: puan ina lut apiang leh puan in chhunga awm apiangte chu ni sarih an thianghlim lo ang.
15. Tin, bungbel inhawng, a chhinaa chhin loh apiang chu a bawlhhlawh a ni.
16. Tin, tupawhin tamlakah khandaiha thah emaw, awmlaia thi ruang emaw, mihring ruh emaw, thlan emaw a deh chuan ni sarih a thianghlim lo ang.
17. Tin, a thianghlim lote pualah sual thawina vap chu an la ang a, belah tui khur tui nen an chhung ang.
18. Tin, mi thiangin, husop ala ang a, tuiah chuan ahnim ang a, puan in te, bungbel zawng zawng te, chuta mi awm zawng zawng te, ruh emaw, thah ruang emaw, mitthi ruang emaw, thlan emaw khawihtute chu a thah ang a:
19. tin, mithiangin ni thum ni leh ni sarih niin a tithianghlim ang a; a silhfente a su ang a, a inbual ang a, tlai lamah chuan a lo thianghlim tawh ang.
20. Mi thianghlim lo inthian lo erawh chuan LALPA hmun thianghlim a tihbawlhhlawh avangin chu mi chu pungkhawmho zing ata tuithlar tur a ni: inthenna tui chuan theh loh a ni a, a thianghlim lo a ni
21. Hei hi an tan kumkhaw dan tur a ni:a theh apiang chuan an silhfente an su ang a; tin, inthenna tui khawih apiang chu tlai lam thlengin an thianghlim lo ang.Tin, mi thianghlm loin a khawih apiang chu a thianghlim lo zel ang a; tin, chu mi khawihtu apiangte chu tlai lam thlengin an thianghlim lo ang," tiin.
22. Tin, mi thianghlm loin a khawih apiang chu a thianghlim lo zel ang a; tin, chu mi khawihtu apiangte chu tlai lam thlengin an thianghlim lo ang," tiin.
←  Numbers (19/36)  →