←  Numbers (18/36)  →
1. Tin, LALPA'n Arona hnenah, "Nang leh i fapate leh in chhungkua hian hmun thianghlim bawhchhiatnamawh chu in phur ang a: puithiamho bawhchhiatna mawh erawh chu nangmah ngei leh i fate chauhin an phur ang.
2. Tin, levia chi, i pa chi, i unauten an zawm ve chia, rawng an bawl theihna'n i kiang hnaiah awmtir la; amaherawhchu nang leh i fapate chu thuhriattirna puan in bulah in awm tur a ni.
3. I hna an puibawm ang chia, Puan In lam hna zawng zawng an chang ang a, amaherawhchu hmun thianghlim bungbel leh maicham chu rawn hnaih suh se, an thih lohna'n anni emaw, nang emaw pawh.
4. Anni chuan an kawp ang chia, puan in lam hna zawng zawngah inbiakna puan in hna chu an chang ang a: hnam dang chuan an rawn hnaih tur che u ani lo.
5. Tin, nangin hmun thianghlim hna leh maicham hna chu i chang ang, Israela thlahte chunga thinurna a awm tawh lohna'n
6. tin, ngaiteh, kei hian i unau levia hote chu Israela thlahte zing ata ka thlang chhuak a, inbiakna puan in rawngbawl tura LALPA hnena pek, i tana thilpek an ni ang.
7. Tin, nang leh i fapate hian maicham leh puan zar chhung lam thuah in puithiam hna chu in thawk ang: tin, nangin rawng i bawl ang, puithiam hna hi in rawngbawl hna atan ka pe che ua ni: hnam dang rawn inrawlh ve apiang chu tihhlum an ni ang," a ti a.
8. Tin, LALPA'n Arona abia a, "Ngai teh, kei hian ka tana then thilhlan, Israela fate thil- hlan zawng zawngte lamin nang leh i fapaten kumkhuaa in chanpual atan ka pe che u a.
9. Meia hal bang thil thianghlimte chu i ta ani ang a: an thil hlan tinreng, an chhangphut thilhlan te, an sual thawina thilhlan te, an thiam loh thawina thihlan ka hnena an hlan turte lamin nang leh i fapate pual a ni ang.
10. Thil thianghlim eiin chu mi chu chu in ei ang a, mipa zawngin an ei ang a; i pual a ni ang.
11. he'ng hi ipual ani ang, chhangphut thilhlana anthilpek, Israel thlahte then thilhlan zawng zawngte lamin nang leh i fapate leh i fanute nen in kumkhaw chanpualah ka pe che u a ni: i ina mi thianghlm zawng zawngin an ei thei ang.
12. Hriak tha ber te, grep tha ber te, buh tha ber te, rah hmasa ber LALPA tana an pek chu ka pe a che.
13. An loa rah hmin hmasa ber LALPA tana an rawn lak chu i ta ani ang a: i ina mi thianghlim zawng zawngin an ei thei ang a.
14. Israel-ho thilhlan zawng zawng chu i ta a ni ang.
15. LALPA tana an pek, chhul keu hmasa ber apiang chu mihring pawh, ran pawh i ta a ni ang a: amaherawhchu fa tir chu i tlan ngei tur ani ang a, ran thianghlim lo no piang thla hmasa ber pawh chu i tlan tur a ni.
16. Thla khat a nihin tlan turte chu tlanna man i ruat dan angin, hmun thanghlima hman sekel ngain i tlan tur ani (sekel chu gera sawmhnih a ni).
17. Amaherawhchu bawngpa piang thla hmasa ber te, beram piang thla hmasa ber te, kel piang thla hmasa berte chu i tlan tur a ni lo a; an thianghlim a ni: an thisen chu maichamah i theh ang a, LALPA tana rimtuiah an thaute chu meia thilhlanah i hal tur ni.
18. An sa chu i ta a ni ang, then thilhlan irawm leh a bawp ding lam i ta a ni ang hian.
19. Thil thianghlima then thilhlan, Israela thlahten LALPA tana an hlante chu in kumkhaw chanpual atan ka pe che u a ni; LALPA hmaa nang leh i fapate leh i fanute nea chatuan chi thuthlung ani ang." a ti a.
20. Tin, LALPA'n Arona hnenah, " an ramah chuan rochan in nei lo ang a, an zingah chanvo in nei ve hek lo ang. Israel thlahte zinga i chanvo leh i rochan chu keimah hi ka ni.
21. Tin, levia thlahte chu ngai teh, rawngbawl hnaa an rawngbawl hna, puan in rawngbawl hnaa n rawngbawl manah Israel rama sawma pakhat zawng zawng hi ka pe a ni.
22. Tun achinah chuan Israela thlahte chuan inbiakna puan in chu an rawn hnaih tur ani lo; sual mawhphurin an thi dah ang e.
23. Levi-ho hi erawh chuan inbiakna puan in rawngbawl hna an thawk ang a, a mawh engkim an phur ang: hei hi i thlahte chaen atana dan a ni ang a; tin, Israela thlahte zingah rochan an nei lo ang.
24. Israela thlahten sawma pakhat LALPA tana then thilhlanah an hlan chu Levi-ho rochan atan ka pe a ni; chuvang chuan an hnenah, 'Israela thlahte zingah rochan an nei lo ang,' ka lo ti rawh reng a ni," a ti a.
25. Tin, LALPA'n Mosia a bia a,
26. "Chung thu loah pawh chuan Levi-ho chu bia la, an hnenah, 'In rochan atana Israela thlahte sawma pakhat ka pek che u an lak ata in dawn hun chuan, chumi sawma pakhat ata sawma pakhat chu LALPA hnenah then thilhlanah in hlan tur a ni.
27. Tichuan in then thilhlan chu hruiha buh leh uain haw hmasa bera ngaih a ni ang.
28. Chutiang chuan Israela thlahte laka sawma pakhat in dawn zawng zanga mi chu LALPA tana then thilhlanah in hlan ve zel bawk tur ani a, tin, chu mi LALPA then thilhlan chu puithiam Arona in pe tur a ni.
29. In thil dawn zawng zawnga mi chu a tha ber, a thianghlim ber zel LALPA then thilhlanah in hlan tur a ni.
30. Chuvangin an hnenah, chu mia tha ber in then hun chuan Levi-ho hruiha hawng leh uain hawng agna ngaih a ni ang.
31. Khawiah pawh in ei thei ang, nangni leh in chhungte pawhin; inbiakna puan ina in rawngbawl man a ni si a.A tha ber in then chuan a sual mawh in phur lo ang a, Israela thlahte thil thianghlim chu in tibawrhbang lo ang a, in thi dawn lo nia,' ti rawh," tiin.
32. A tha ber in then chuan a sual mawh in phur lo ang a, Israela thlahte thil thianghlim chu in tibawrhbang lo ang a, in thi dawn lo nia,' ti rawh," tiin.
←  Numbers (18/36)  →