←  Numbers (16/36)  →
1. Levia fapa Kohata, chu mi fapa Izara, chu mi fapa Kora chu Eliaba fapate, Dathana leh Abirama leh Peletha fapa Ona, Reubena thlahte nen chuan mite an hruai a:
2. Israela thlahte, mi lar deuh deuh mipui zinga hotu roreltua thlante zinga mi zahnih leh sawmnga te nen Mosia hmaah an va thawk a:
3. Mosia leh Arona phiarin an pung khawm a, an hnenah, "In induh em mai, mipuite chu an thinghlim Theuh si a, LALPA pawh an zingah a awm si a: eng vangin nge LALPA mipui pungkhawmho chunga in indah chungnun bik?" an ti a.
4. Chu chu Mosia'n a han hriat chuan a bawkkhup a:
5. tin, Kora leh a pawlte zawng zawng hnenah chuan, "Naktuk zingah LALPA'n a tate leh a thianghlimte chu tilangin amah va hnaih turin a ti ang, a thlante ngei chu amah va hnaih turin a ti ang.
6. Heti hian ti rawh u, naktukah mei laknate keng u la,
7. chutah chuan mei dah u la, LALPA hmaah rimtui phul rawh u; tin, LALPA'n a thlan apiang chu a thianghlim ang: Levia fapate u, in induh em mai," tiin a sawi a.
8. Tin, Mosia'n Kora hnenah, "Nangni Levia fapate u, ngaithla rawh u,
9. ,10 LALPA biak buka rawngbawla, mipuite hmaa an rawngbawla, ding tura Israelte Pathianin amah hnaih tura Israel mipuite zing ata a tihhran che u leh Levia fapa in unaute zawng zawng nena amah hnaih tura a awmtir che u hi thil te thamah in ngai a ni maw, puithiam nihna in la zawn cheu?
10. ,9 LALPA biak buka rawngbawla, mipuite hmaa an rawngbawla, ding tura Israelte Pathianin amah hnaih tura Israel mipuite zing ata a tihhran che u leh Levia fapa in unaute zawng zawng nena amah hnaih tura a awmtir che u hi thil te thamah in ngai a ni maw, puithiam nihna in la zawn cheu?
11. Chuvang chuang nang leh i pawlte zawng zawng LALPA dodalin in pung khawm a ni. Tin, Arona hian eng nge maw a tih a, a chungah hian in phunnawi?" a ti a.
12. Tin, Mosia chuan Eliaba fapa Dathana leh Abirama a kohtir a: anni chuan, "Kan lo chho ang;
13. thlalera mi tihlum turin hnutetui leh khawizu luanna ram ata min hruai chhuak hi thil te tham em ni? Kan chungah i intilal lehnghal si.
14. Hnutetui leh khawizu luanna ramah min hruai lut lo a, lo leh grep huan ro tur min pe bawk hek lo: he'ng ho mitte hi chawl i phulsak dawn em ni? An lo chho lo tawp ang," an ti a.
15. Tichuan Mosia chu a thin a rim ta hle mai a, LALPA hnenah, "An thilhlan chu pawm suh: an sabengtung chu pakhat mah ka la lo a tumah ka tina hek lo," a ti a.
16. Tin, Mosia'n Kora hnenah chuan, "Naktukah nang leh i mi pungkhawmho, nang nen, anni nen, Arona nen LALPA hmaah lo awm rawh u;
17. tin, an mei lakna keng Theuh se la, rimtui phul se la, LALPA hmaah mei lakna Theuh, mei lakna 250 chu rawn keng rawh se; nang leh Arona pawhin in mei lakna keng ve ve rawh u," a ti a.
18. Tichuan mi tinin an mei lakna chu an keng a, mei an dah a, rimtui an phul a, Mosia leh Arona te nen inbiakna Puan In kawngkaah chuan an va ding a.
19. Tin, Kora chuan mipui zawng zawng chu anmahni dodalin inbiakna Puan In kawngkaah chuan a awmkhawmtir a: tin, mipui zawng zawng chungah chuan LALPA ropuina a lo lang a.
20. Chutichuan LALPA'n Mosia leh Arona chu a bi a,
21. "Heng mipui zing ata hi inthiarfihlim rawh u, ka rawn tiboral thut theihna'n," tiin.
22. Tichuan anni chu an bawkkhawp a, "Aw Pathian nunna zawng zawng hnar i ni, mi pakhat sual avangin mpui zawng zawng chungah i thinur dawn em ni?" an ti a.
23. Tin, LALPA'n Mosia a bia a, "
24. Mipuite hnenah chuan, "Kora te, Dathana te, Abirama te buk ata hi kiansan vek rawh u," tiin sawi rawh," a ti a.
25. Tichuan Mosia chu a tho a, Dathana leh Abirama te hnenah chuan an va kal a; Israel ho upate chuan an zui a.
26. Tin, pungkhawmho hnenah chuan, "Heng misualho Puan In atangte hian chuak rawh u khai; an engmah hi khawih suh u, chuti lo chuan an sualna zawng zawngah hian in tel ve dah ang e," tiin a sawi a.
27. Chutichuan Kora te, Dathana leh Abirama chu an Puan In ata an lo chhuak a, an Puan In kawngkaah chuan an nupui te, an fapate, an fanau te te tenen an ding a.
28. Tin, Mosia'n, "Keima rilru puak chhuaka tih a ni lo a, he'ng thil ti tur hian LALPA'n min tir a ni tih hemiah hian an hria ang.
29. Heng mite hi mi zawng zawng thih dan ang mai bawka an thih a, mi zawng zawngte hrem ang bawka hrem an nih chuan Pathianin mi tir lo a ni ang a.
30. LALPA'n thil thar a siam a, leiin a ka a an a, anmahni leh an ta zawng zawng a lem a, Seol-ah a nunga an luh erawh chuan he'ng mite hian LALPA an lo ngainep a ni tih in hria ang," a ti a.
31. Tin, heti hi a ni a, chung thu zawng zawng chu a sawi zawh chuan an hnuai lei chu a lo khi chat ta phuk mai a;
32. tichuan lei chuan a ka a ang a, an chhungkuain Kora mite zawng zawng, an bungrua zawng zawng nen a lem ta vek hlawm a.
33. Chutichuan anmahni leh an ta zawng zawng chu Seol-ah chuan a nung chungin an pil ta vek a, lei chuan a ka a chip hnan a, pungkhawm zing ata chu an boral ta a.
34. Tichuan an vela Israel mi zawng zawngte chu an au thawmah chuan an tlan darh a, "Leiin min lem ve dah reu reu vang e," an ti a.
35. Tin, LALPA atangin mei a lo chhuak a, rimtui hlantu mi zahnih leh zawmngate chu a rawn kanghlum ta a.
36. Tin, LALPA'n Mosia a bia a,
37. "Nangin mei ch tidarh la, puithiam Arona fapa Eleazara chu mei ata mei laknate chu la chhuak turin hrilh rawh, thil thianghlim ani si a:
38. anmahni nunna chunga sualho mei laknate pawh chu la la; tin, maicham khuna thlengah chher ni rawh se: LALPA hmaa hlan ani a, chuvangin a thianghlim a ni; chu chu Israela thlahte tana chhinchhiahna ani ang," tiin.
39. Tin, puithiam Elazara chuan kangho dar mei laknate chu a la a, Israela thlahte tana hriatrengna te, Arona thlah ni lo hnam dang reng reng, LALPA hmaa rimtui hal tura an kal hnaih lohna'n te, Kora leh a pawlte anga an awm lohna'n te, Mosia hmang a hnena Lalpa'n a sawi ang chuan maicham khuhna'n an chher ta a.
40. Tin, puithiam Elazara chuan kangho dar mei laknate chu a la a, Israela thlahte tana hriatrengna te, Arona thlah ni lo hnam dang reng reng, LALPA hmaa rimtui hal tura an kal hnaih lohna'n te, Kora leh a pawlte anga an awm lohna'n te, Mosia hmang a hnena Lalpa'n a sawi ang chuan maicham khuhna'n an chher ta a.
41. Nimahsela a tukah chuan, "LALPA mite in tihlum a ni," tiin Israel thlah mipui zawng zawng chu Mosia leh Arona chungah an phunnawi a.
42. Tin, heti hi a ni a, Mosia leh Arona chunga mipui an pun khawm lai chuan inbiakna Puan In lam chu an hawi a; tin, ngai teh, chhumin a rawn khuh a, LALPA ropuina a lo lang a.
43. Tin, Mosia leh Arona chu inbiakna Puan In kawtah chuan an kal a.
44. Tin, LALPA'n Mosia a bia a.
45. Heng mipui zing ata hi inthiarfihlim rawh u, ka rawn tihboral thut theihna'n," tiin. Tin, chu an bawkkhup a.
46. Tin, Mosia'n Arona hnenah, " I mei lakna keng la, maicham ata mei dah la; rimtui phul la, mipui hnenah kalpui thuai la, an tan remna siam rawh: LALPA hnen ata thinurna a lo chhuak a ni; hri a leng tan mek a ni," a ti a.
47. Tin, Arona chuan Mosia sawi ang chuan a keng a, pungho zingah chuan a tlan lut a, tin, ngai teh hri chu mipui zingah chuan a lo leng tan a; tin, rimtui chu a phul a, mipui tan chuan remna a siam a.
48. Mitthi leh mi nung inkarah a ding a, hri chu a kiang ta a.
49. Tichuan Kora chungchang thua thite tiam loin hri-a thi zawng zawng chu singkhat leh sangli leh zasarih an ni.Tin, Arona chu inbiakna Puan In kawngkaa Mosia hnenah chuan a let leh a, tichuan hi chu a kiang ta a.
50. Tin, Arona chu inbiakna Puan In kawngkaa Mosia hnenah chuan a let leh a, tichuan hi chu a kiang ta a.
←  Numbers (16/36)  →