←  Numbers (15/36)  →
1. Tin, LALPA'n Mosia a bia a,
2. "Israela thlahte bia la, an hnenah, 'In awmna tur ram ka pek che u in thlen huna
3. LALPA hnena meia thilhlan, halral thilhlan emaw, thutiam hlen tura inthawina emaw, mahni duh thua thilhlan emaw in kut hunbiah emaw, ran rual zinga mi emaw, beram rual zinga mi emawa LALPA tana rimtui siam tur emaw in hlan hunah chuan,
4. LALPA hnena a thilhlan hlantu apiangin chhangphut thilhlan, chhangphut dip mi epha hmun sawma thena hmun khat, hriak hin hmun lia thena hmun khata hmeh a hlan tur a ni;
5. tin, in tur thilhlanah uain hin hmun lia thena hmun khat halral thilhlan emaw, inthawina emawa, hlannaah beram no hming kimin inbuatsaih tur a ni.
6. Tin, beram paah chuan chhangphut thilhlan, chhang phut dip mi epha hmun sawma thena hmun hnih, hriak hin hmun thuma thena hmun khata hmeh in buatsaih tur a ni.
7. tin, in tur thilhlanah chuan LALPA tana rimtuiah uain hin hmun thuam thena hmun khat in hlan tur a ni.
8. Halral thilhlanah emaw, thutiam hlen tura inthawina emaw, LALPA hnena remna thilhlanah emawa bawngpa in buatsaih hun chuan,
9. bawngpa hlan rual chuan chhangphut thilhlan chhangphut dip mi epha hmun sawma thena hmun thum, hriak hin chanvea hmeh in hlan tur a ni.
10. Tin, in tur thilhlanah uain hin chanve, LALPA tana rimtui meia thilhlan in hlan tur a ni.
11. Chutiang chuan bawngpa te, beram pa te, beram no a pa te, kel no te an hming kimin tih tur a ni.
12. An tam dan zir zelin in buatsiah ang a, an tam dan ang zel chuan in hlan tur a ni.
13. Chumi rama piang zawng zawng chuan hetiang zel hian LALPA tana rimtui meia thihlan an hlan hunin an ti tur a ni.
14. Tin, hnam dang mi in hnena khawsa thin emaw, tupawh in hnena khawsa zel thin turte emaw, LALPA tana rimtui meia thilhlan hlan duh apiang chuan in tih ang takin an ti ve tur a ni.
15. In thlahte thleng atan mipuite leh hnam dang in hnena awmte tan pawh dan angkhat chauh a awm tur a ni; LALPA hmaah hnam dangte chu nangmahni ang chiah an ni ang.
16. In tan leh in hnena hnam dang awmte tan dan hmun khat leh tih dan hmun khat chauh a awm ang,' ti rawh," tiin.
17. Tin, LALPA'n Mosia a bia a,
18. "Israela thlahte bia la, an hnenah, 'Heti hi ani ang a, ka hruaina tur che u ram in va thlen a,
19. chu mi ram chhang in ei hun chuan LALPA hnenah then thilhlan in hlan tur a ni.
20. In chhang hmeh hmasak ber zinga mi hlawm khat chu then thilhlanah in hlan tur a ni: hruiha mi then thilhlanah in then angin in then tur a ni.
21. In thlahte thlengin in chhang hmeh hmasak ber chu LALPA hnena then thilhlan atan in hlan zel tur a ni.
22. Tin, he'ng thupek zawng zawng LALPA'n Mosia hnena a sawi, LALPA'n thu a pek tirh atanga in thlahte thleng atana Mosia hmanga thu a pek zawng zawng che u hi in pawm loha in bawhchhiat chuan,
23. Tin, he'ng thupek zawng zawng LALPA'n Mosia hnena a sawi, LALPA'n thu a pek tirh atanga in thlahte thleng atana Mosia hmanga thu a pek zawng zawng che u hi in pawm loha in bawhchhiat chuan,
24. hetiang hi a ni ang a, pungkhawmhoin hre loa tihpalh a nih chuan pungkhawmho zawng zawng chuan halral thilhlan LALPA tana rimtuiah bawngtuai pakhat an hlan ang a, a dan pangngai angin chhangphut thilhlan leh in tur thilhlan nen, sual thawina'n kel pa pakhat an hlan tel bawk tur a ni.
25. Tin, puithiamin Israela thlah pungkhawm zawng zawng tan remna a siam ang a, ngaihdam an ni ang, tihpalh a nih avang leh an thilhlan, LALPA tana meia thilhlan leh an tihsual aiah sual thawina an hlan tak avangin;
26. Israela thlah pungkhawm zawng zawngte chu ngaihdam an ni ang a, an zinga hnam dang awmte pawh; mipui zawng zawngin an tihpalh a nih a vangin.
27. Tin, miin hre loin thil a tihsual chuan sual thawina'n kelnu pakhat kum khat mi a hlan tur a ni.
28. Hre loa LALPA hmaa tisualtu tan chuan puithiamin remna a siam tur a ni; tichuan ngaihdamna a siam tur a ni; tichuan ngaihdam ani ang.
29. Hre loa tisualtu tan, Israela thlah, chu rama piangte tan leh hnam dang mi an zinga awmte tan pawh dan angkhat in nei tur a ni.
30. Amaherawhchu hre reng sia tilui chu chu rama piang emaw, hnam dang emaw pawh ni sela LALPA sawichhia a ni a; chu mi chu a chipuite zing ata tuithlar tur a ni.
31. LALPA thu chu a hmusit a, a thupek chu abawhchhiat avangin, chu mi chu tuithlar hlauh tur ani a, a khawlohna mawh chu a phur ang,' ti rawh," tiin.
32. Israela thlahte thlalera an awm lai chuan mi pakhat chawlhnia thing fawm hi an hmu a.
33. A thing fawm hmutute chuan Mosia leh Arona leh mipuiho hnenah chuan an hruai a.
34. Engtia tih tur nge tih la puan loh a nih avangin tan inah an khung a.
35. Tin, LALPA'n Mosia hnenah, "chu mi chu tihhlum ngei ngei tur a ni, daipawnah mipui zawng zawng chuan lungin an deng tur a ni," a ti a.
36. Tichuan LALPA'n Mosia thu a pek ang chuan mipui zawng zawng chuan daipawnah an hruai a, lungin an denghlum ta a.
37. Tin, LALPA'n Mosia a bia a,
38. "Israela thlahte hnenah, an thlahte thlenga an puan hmawrah a fem siam tur leh, a hmawr tin, femah a dum pawl dah turin ti rawh:
39. chu mi fem chu in en thin a, LALPA thupek zawng zawng in hriat renga in zawmna'n leh nawhchizuara in awm thin anga in thinlung duhzawng leh in mit lazawng uma in awm lohna'n leh ka thupek zawng zawngte chu in hriat reng a in zawm a, in Pathian tana in thianghlim theihna'n a ni.
40. chu mi fem chu in en thin a, LALPA thupek zawng zawng in hriat renga in zawmna'n leh nawhchizuara in awm thin anga in thinlung duhzawng leh in mit lazawng uma in awm lohna'n leh ka thupek zawng zawngte chu in hriat reng a in zawm a, in Pathian tana in thianghlim theihna'n a ni.In Pathian ni tura Aigupta ram ata hruaichhuaktu che u LALPA in Pathian ka ni. Kei hi LALPA in Pathian chu ka ni," tiin.
41. In Pathian ni tura Aigupta ram ata hruaichhuaktu che u LALPA in Pathian ka ni. Kei hi LALPA in Pathian chu ka ni," tiin.
←  Numbers (15/36)  →