←  Micah (6/7)  →
1. LALPA thu sawi chu tunah ngaithla rawh u: tho la tlang lian hmaahte chuan khing la, tlang tete chuan i aw ngaithla rawh se.
2. Aw tlang liante u, LALPA khinna chu ngaithla u la, nangni leilung nghahchhan hlunte u, ngaithla rawh u: LALPA chu a mite nen an in khing a, Israelho chu a thlem ang.
3. Aw kamite u, in chungah eng nge ka tih tak? Eng kawngin nge ka tihhah che u? Mi han khing teh u.
4. Aigupta ram atang chuan ka hruaichhuak che u a,bawih ata chu katlan chhuak che u a; in hmaah Mosia te, Arona te lem Miriami te ka rawn tirh kha.
5. Aw ka mite u, LALPA thiltih fel chu in hriat theih nan, Moab lal Balaka thu rawt leh Beora fapa Balaaman a chhan dan, Sittim atanga Gilgal thlenga thil awmziate kha, tunah hre reng rawh u.
6. Eng nen nge LALPA hmaah chuan ka lo kal ang a, Pathian chungnung hmaah ka kun ang? Halral thil hlante, bawngno kumkhat mite nen a hmaah chuan ka lo kal dawn em ni? LALPA chu berampa sang tam tak emaw hriak lui singte emawah a lungni dawn em ni? ka bahchhiatna avangin ka fatir chu ka pein, ka thlarau sualna avangin ka taksa rah chu ka pe dawn em ni?
7. Aw mihring, tha chu a entir tawh che a ni; LALPA'n a phut che chu eng nge ni? Dik taka tih leh khawngaihna ngainat leh i pathian nena thuhnuairawlh taka lendun a ni lo em ni?
8. LALPA chuan khawpui chu a au a ni, finna nei mi chuan i hming a tih ang: talhtum leh a buatsaihtu chu hre rawh u.
9. Mi suaksual inah chuan suahsualna robawmte chu a la awmin, tehna dawrawm tenawm tak chu a awm cheu vem?
10. Bukna dik lote leh ip rih dan dawhate nen chuan thianghlim ka ni dawn em ni?
11. Chuta mi hausate chu pawngneknain an khat si a, chuta chengte chuan dawt an sawi a, an ka chhunga an lei chu bum hmang a ni.
12. Chuvangin kei pawhin na taka hliamin ka vaw ta che a; i sualnate avangin ka titiau ta che a ni.
13. I ei ang a, i tlai lo ang, i ril a la tam thoi vang, thil i dah tha ang a, i hum thei chuang lo ang, i hun chhun pawh indonaah a chhia ang.
14. I ching ang a, mahse i seng lo ang: olive rahte chu i rap sawr ang a, mahse a hriak chu i thih lo ang; grep rah sawr mah la, a uain chu i in lo ang.Omria thuruatte chu vawn reng a ni si a, Ahaba chhungkaw thil tih zawng zawngte nen; an remruatahte chuan in kal a ni: tichuan hmun tiauvah ka siam tawh dawn che a ni a, a chhunga ch4ngte hi nuihzabur atan; tin, ka mite hmingchhiatna chu i phur ang.
15. Omria thuruatte chu vawn reng a ni si a, Ahaba chhungkaw thil tih zawng zawngte nen; an remruatahte chuan in kal a ni: tichuan hmun tiauvah ka siam tawh dawn che a ni a, a chhunga ch4ngte hi nuihzabur atan; tin, ka mite hmingchhiatna chu i phur ang.
←  Micah (6/7)  →