Micah (3/7)  

1. Aw nangni, Jakobho hotute leh Israel chhungkaw roreltute u, ngaithla u la ka ngen a che u, ka ti a ni: rorel dan chu in hre tur a ni lo'm ni?
2. Thil tha in hua a, thil tha lo in ngaina a, an vun in hihsak a, an ruh ata tisa in sawk thla a;
3. Ka mite sa in ei bawk a; an vun an hlai thla a, an ruh an tih tliahsak a: a ni, bela chhum tur angin an chan sawm a, sa so bel chhunga sa chan sawm ang maiin.
4. Chutih hunah chuan LALPA an au vang a, nimahsela an mahni a chhang lo ang: a ni chumi hunah chuan an thil tiha an tih that lohzia ang zelin, an lakah a hmai a thup ang.
5. Pek tur neite hnenan, Muanna, tia au a, pek tur nei lote, indona a awm dawn, tia tihthaihtu zawlneite chuan ka mite an bum a, an chung chang thu LALPA'n heti hian a sawi: inlarna in hmuh lohna'n in hnenah zan a lo thleng ang a; ai in en theihlohna khawpin in hnenah thimna a lo awm ang a; zawlneite tan chuan ni a liam ang a, chhun pawh an chungah chuan khaw thim a ni ang.
6. Hmutheitute chu an zak ang a, aienthiamte chu an mualpho ang; a ni, an vaiin an hmui an hup ang; Pathian chhanna a awm si lo a.
7. Nimahsela Jakobho hnenah an bawhchhiatna hriattir tur leh Israelho hnenah an sualna hriattir turin LALPA thlarau avanga thiltihtheihna te, rorelna te leh chakna te chuan ka khat tak meuh a ni.
8. Nangni Jakobho chhungkaw hotute leh Israel chhungkaw roreltu, rorelna dik tena, dikna tinreng tiletlingtute u, hei hi ngaithla u la, ka ngen a che u.
9. Zion chu thisenin an sa a, Jerusalem chu khawlohnain.
10. Chumia hotute chuan thamna beiseiin ro an rel a, chu mia puithiamte chuan hlawh beiseiin an zirtir a, chumia zawlneite chuan tangka beiseiin ai an en a ni: chuti chung pawhin, LALPA chu kan zingah a awm lo em ni? Thil tha lo kan chungah a lo thleng lo ang, tiin LALPA chungah a in nghat a ni.Chuvangin zion chu, nangmahni avang chuan, lo anga leileh a ni ang a, Jerusalem chu thil chhe awm khawm a ni ang a, biakin awmna tlang chu ram hnuai hmun sang ang a ni ang.
11. Chuvangin zion chu, nangmahni avang chuan, lo anga leileh a ni ang a, Jerusalem chu thil chhe awm khawm a ni ang a, biakin awmna tlang chu ram hnuai hmun sang ang a ni ang.

  Micah (3/7)