Matthew (1/28)  →

---

1.

Abrahama thlah, Davida thlah, Isua Krista thlahtute inthlah dan chanchin chu:

2.

Abrahama'n Isaaka a hring a; Isaaka'n Jakoba a hring a; Jakoba'n Juba leh a unaute a hring a;

3.

Juda'n Tamari lakah Pharesa leh Zera a hring a; Pharesa'n Eroma a hring a; Eroma'n Arama a hring a;

4.

Arama'n Aminadaba a hring a; Aminadaba'n Nasona a hring a; Nasona'n Salmona a hring;

5.

Salmona'n Rahabi lakah Boaza a hring; Boaza'n Ruthi lakah Obida a hring a; Obida'n Jesaia a hring a;

6.

Jesaia'n Lal Davida a hring a. Tin, Davida'n Uria nupui lakah Solomona a hring a;

7.

Solomona'n Rehoboama a hring a; Rehoboama'n Abia a hring a; Abia'n Asa a hring a;

8.

Asa'n Jehosaphata a hring a; Jehosaphata'n Jehorama a hring a; Jehorama'n Uzia a hring a;

9.

Uzia'n Jothama a hring a; Jothama'n Ahaza a hring a; Ahaza'n Hezekia a hring a;

10.

Hezekia'n Manasea a hring a; Manasea'n Amona a hring a; Amona'n Josia a hring a;

11.

Babulon lama sala an hruai lai vel khan Josia'n Jekonia leh a unaute a hring a.

12.

Tin, Babulon lama sala an hruai hnuin Jekonia'n Salathiela a hring; Salathiela'n Zerubabela a hring a;

13.

Zerubabela'n Abiuda a hring a; Abiuda'n Eliakima a hring a; Eliakima'n Azora hring a;

14.

Azora'n Zadoka a hring a; Zadoka'n Akima a hring; Akima'n Eliuda a hring a;

15.

Eliuda'n Eleazara a hring a; Eleazara'n Matthana a hring a; Matthana'n Jakoba a hring a;

16.

Jakoba'n Josefa, Mari pasal chu a hring a; chu mi Mari lakah chuan Isua, Krista an tih hi, a lo piang ta a.

17.

Chutichuan, chhuan zawng zawng chu, Abrahama atangin Davida thlengin, chhuan sawm leh chhuan li a ni a; Davida atangin Babulon lama sala an hruai thlengin, chhuan sawm leh chhuan li a ni a; Babulon lama sala an hruai atangin Krista thlengin, chhuan sawm leh chhuan li a ni a.

18.

Tin, Isua Krista lo pian dan chu hetiang a ni: A nu Mari chu Josefa nen an inhual laiin, an inpawl hmain,Thlarau Thianghlimin a raitir tih an lo hre ta a.

19.

Tichuan, a pasal tur Josefa chu mi fel tak a ni a, tlangthantir a duh lo a, a rukin bansan a tum a.

20.

Nimahsela, chu'ng thu chu a ngaihtuah laiin, ngai teh, a mangah Lalpa vantirhkoh a hnenah a lo inlar a, Josef, nang Davida fapa, i nupui hual Mari chu neih hlau suh; a naupai chu Thlarau Thianghlim laka mi a ni a sin.

21.

Fapa a hring ang a, a hmingah ISUA i sa ang: Ani chuan A mite an thil tihsual lakah a chhandam dawn si a, a ti a.

22.

Tin, Lalpa zawlnei kaah nula thianghlim chu a rai ang a, fapa a hring ang a, A hmingah Emmanuela an sa ang, tia a sawi kha.

23.

A lo thlen theihna turin chung zawng zawng chu a lo awm a ni. (Emmanuela chu kan hnena Pathian awm tihna a ni).

24.

Tichuan, Josefa chu a muhil a tho a, Lalpa vantirhkohin a hnena thu a pek ang chuan a ti a, a nupui hual chu a nei ta a.Nimahsela, fapa a hrin hma loh zawng a pawl lo; tin, a hmingah ISUA a sa ta a.

25.

Nimahsela, fapa a hrin hma loh zawng a pawl lo; tin, a hmingah ISUA a sa ta a.

---

Matthew (1/28)  →